ମୁମ୍ବାଇ: ଜଣେ ଟ୍ରକ ଚାଳକଙ୍କ ଅନନ୍ୟ ପ୍ରେମ କାହାଣୀକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିଛି । କାରଣ ସେ ସାଉଥ୍ ଅଭିନେତ୍ରୀ ସଞ୍ଚିତା ବସୁଙ୍କ ପ୍ରେମରେ ପଡ଼ିଛନ୍ତି । ଆଉ ସେ ତାଙ୍କ ପ୍ରେମ ପାଇବା ପାଇଁ ଦୁଇଟି ଯାକ କିଡ଼ନୀ ଦାନ କରିବାକୁ ପ୍ରସ୍ତୁତ ବୋଲି କହିଛନ୍ତି ।
ସାଉଥ୍ ଫିଲ୍ମ ‘ଫାଷ୍ଟ ଡେ ଫାଷ୍ଟ ସୋ’ରେ ମୁଖ୍ୟ ନାୟିକା ଭୂମିକାରେ ଅଭିନୟ କରିଥିଲେ ଅଭିନେତ୍ରୀ ସଞ୍ଚିତା ବସୁ । ଲୋକମାନେ ତାଙ୍କ ଅଭିନୟକ ଖୁବ ପସନ୍ଦ କରନ୍ତି । ସଞ୍ଚିତା ସୋସିଆଲ ମିଡ଼ିଆରେ ମଧ୍ୟ ବେଶ୍ ଆକ୍ଟିଭ୍ । ସୋସିଆଲ ମିଡିଆରେ ତାଙ୍କର ଲକ୍ଷ ଲକ୍ଷ ପ୍ରଶଂସକ ଅଛନ୍ତି, ଯେଉଁମାନେ ତାଙ୍କ ରିଲ୍ସକୁ ବହୁତ ପସନ୍ଦ କରନ୍ତି । ନିକଟରେ ଖବର ମିଳିଛି କି ଜଣେ ଟ୍ରକ ଚାଳକ ସଞ୍ଚିତାଙ୍କ ପ୍ରେମରେ ପଡି ଯାଇଛନ୍ତି ।
ଟ୍ରକ ଚାଳକ ଜଣକ କହିଛନ୍ତି ଯେ, ମୁଁ ସଞ୍ଚିତାଙ୍କୁ ଭଲ ପାଏ ଏବଂ ମୁଁ ତାଙ୍କ ବିନା ବଞ୍ଚି ପାରିବି ନାହିଁ । ହଁ ତାଙ୍କୁ କେବେ ମୁଁ ସାମ୍ନାରେ ଦେଖି ନାହିଁ । କିନ୍ତୁ ତାଙ୍କର ପ୍ରତ୍ୟେକ ଭିଡିଓକୁ ମୋ ଫୋନରେ ସେଭ କରି ରଖିଛି । ହଁ ମୋ ଭଲ ପାଇବା ଏକପାଖିଆ କିନ୍ତୁ ମୁଁ ସଞ୍ଚିତାଙ୍କୁ ମୋ ଜୀବନରୁ ଅଧିକା ଭଲ ପାଏ । ତାଙ୍କର ଭିଡିଓ ଗୋଟିଏ ଦିନ ନ ଦେଖିଲେ ମୋତେ ଭଲ ଲାଗେ ନାହିଁ । ଜାଣିଛି ମୋ ପ୍ରେମର କୌଣସି ଅସ୍ଥିତ୍ୱ ନାହିଁ ତଥାପି ମୁଁ ଅଭିନେତ୍ରୀଙ୍କୁ ଭଲ ପାଉଛି ଓ ପାଉଥିବି ମଧ୍ୟ । ଦରକାର ପଡ଼ିଲେ ମୁଁ ତାଙ୍କ ପାଇଁ ଉଭୟ କିଡନୀ ଦାନ କରିବାକୁ ମଧ୍ୟ ପ୍ରସ୍ତୁତ ଅଛି ।
ବବି କୁମାର ମିଶ୍ର ନାମକ ଜଣେ ଫେସବୁକ ବ୍ୟବହାରକାରୀ ତାଙ୍କ ଆକାଉଣ୍ଟରେ ଏହି ଟ୍ରକ ଚାଳକଙ୍କ ଭିଡିଓ ସେୟାର କରିଛନ୍ତି ।
Comments are closed.