ବିଶ୍ୱ ମହାସାଗର ଦିବସରେ ବାଲୁକା କଳା

ପୁରୀ : ଆଜି ହେଉଛି ବିଶ୍ୱ ମହାସାଗର ଦିବସ ବା ‘ୱାର୍ଲଡ ଓସନ୍ ଡେ’ । ପ୍ରତିବର୍ଷ ଜୁନ୍ ମାସ ୮ତାରିଖରେ ଏହି ଦିବସ ପାଳନ କରାଯାଇଥାଏ । ମହାସାଗର ଜଳରାଶି ପ୍ରଦୂଷଣ ମୁକ୍ତ ରଖିବା ସହିତ ଲୋକଙ୍କୁ ସଚେତନ କରିବା ଏହାର ମୁଖ୍ୟ ଉଦ୍ଦେଶ୍ୟ ରହିଛି । ମହାସାଗର ଦିବସରେ ବିଭିନ୍ନ କାର୍ଯ୍ୟକ୍ରମ ମାନ ମଧ୍ୟ ଅନୁଷ୍ଠିତ ହୋଇଥାଏ । ଏନେଇ ପୁରୀ ସମୁଦ୍ର କୂଳରେ ନିଆରା ଢଙ୍ଗରେ ଲୋକଙ୍କୁ ସଚେତନ ବାର୍ତ୍ତା ଦେଇଛନ୍ତି ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ।ପୁରୀ ବେଳାଭୂମିରେ ବାଲୁକା କଳାରେ ଲୋକଙ୍କୁ ବୁଝାଇଛନ୍ତି । ପୃଥିବୀରେ ୭୦ଭାଗ ଜଳରାଶି ରହିଛି । ଖାସ୍ କରି ୫୦ ପ୍ରତିଶତ ଅମ୍ଲଜାନ ମଧ୍ୟ ମହାସାଗରରୁ ଉତ୍ପନ ହୋଇଥାଏ । ଯାହା ପାଇଁ ଜୀଜଗତ ଏକରକମର ତିଷ୍ଠି ରହିଛି । ଯଦି ସମୁଦ୍ର ପ୍ରଦୂଷିତ ହୋଇଯାଏ ତେବେ ଜୀବଜଗତ ଅଚିରେ ଲୋପ ପାଇଯିବ ଏଥିରେ ସନ୍ଦେହ ନାହିଁ । ତେଣୁ ମାନବଜାତି ସଚେତନ ହେବା ସହିତ ସମୁଦ୍ର ଯେପରି ପ୍ରଦୂଷଣ ନହୁଏ ସେଥିପ୍ରତି ଗୁରୁତ୍ୱ ଦେବା ଜରୁରୀ ହୋଇଛି । ଯାହାକୁ ବାଲୁକାକଳା ମାଧ୍ୟମରେ ଜଣାଇଛନ୍ତି ସୁଦର୍ଶନ ।