ବାଗୋଟା: ଉତ୍ତର-ପୂର୍ବ କଲମ୍ବିଆରେ ବୁଧବାର ଦିନ ଏକ ଭୟଙ୍କର ବିମାନ ଦୁର୍ଘଟଣାରେ ୧୫ ଜଣ ପ୍ରାଣ ହରାଇଛନ୍ତି। ସରକାରୀ ବିମାନ କମ୍ପାନି ସାଟେନାର ଏକ ବିଚ୍କ୍ରାଫ୍ଟ 1900 ଟ୍ୱିନ୍-ପ୍ରପେଲର ବିମାନ କୁକୁଟାରୁ ଓକାନା ଉଡ଼ାଣ ଭରୁଥିବା ବେଳେ ଭେନେଜୁଏଲା ସୀମା ନିକଟରେ ପାର୍ବତ୍ୟମୟ ଅଞ୍ଚଳରେ ଦୁର୍ଘଟଣାଗ୍ରସ୍ତ ହୋଇଥିଲା। ବିମାନରେ ୧୩ଜଣ ଯାତ୍ରୀ ଏବଂ ଦୁଇ ଜଣ କ୍ରୁ ସଦସ୍ୟ ଥିଲେ ଏବଂ ଦୁର୍ଭାଗ୍ୟବଶତଃ କେହି ବଞ୍ଚି ନଥିଲେ।
କଲମ୍ବିଆର ବେସାମରିକ ବିମାନ ଚଳାଚଳ କର୍ତ୍ତୃପକ୍ଷ ନିଶ୍ଚିତ କରିଛନ୍ତି ଯେ ଓକାନାରେ ଅବତରଣ କରିବାର କିଛି ମିନିଟ୍ ପୂର୍ବରୁ ସକାଳ ୧୧ଟା ୫୪ (ସ୍ଥାନୀୟ ସମୟ) ସମୟରେ ବିମାନଟି ନିୟନ୍ତ୍ରଣ ଟାୱାର ସହିତ ଯୋଗାଯୋଗ ହରାଇଥିଲା। ବାୟୁସେନା ସହାୟତାରେ ଏକ ସନ୍ଧାନ ଅଭିଯାନରେ ଭଗ୍ନାବଶେଷ ଉଦ୍ଧାର କରାଯାଇଥିଲା, କିନ୍ତୁ ଏଥିରେ ଥିବା ସମସ୍ତ ଯାତ୍ରୀ ମୃତ ବୋଲି ଅନୁମାନ କରାଯାଇଥିଲା।
Comments are closed.