ନୂଆଦିଲ୍ଲୀ: ମାଲେସିଆ ଓପନ୍ ସୁପର ୧0000 ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟର ସେମିଫାଇନାଲରେ ଭାରତୀୟ ଯୋଡି ପରାସ୍ତ ହୋଇଛନ୍ତି । ଗତ ଶନିବାର ଦିନ କୁଆଲାଲମ୍ପୁରରେ ଭାରତର ସାତ୍ତ୍ବିକ ସାଇରାଜ ଓ ଚିରାଗ ସେଟ୍ଟୀ ଯୋଡି ଦକ୍ଷିଣ କୋରିଆର ସିୟୋ ସିୟୁଙ୍ଗ-ଜାଏ ଓ କିମ୍ ଓ୍ଵାନ୍-ହୋଙ୍କ ଯୋଡ଼ି ଠାରୁ ୨୧-୧୦, ୨୧-୧୫ରେ ପରାସ୍ତ ହୋଇଛନ୍ତି ।
ପରାଜୟ ପରେ ସାତ୍ତ୍ବିକ କହିଛନ୍ତି, ସେମାନେ ବହୁତ ଭଲ ଖେଳିଥିଲେ ଏବଂ ଆମେ ରଣନୀତିକୁ ଭଲ ଭାବରେ କାର୍ଯ୍ୟକାରୀ କରିପାରିଥାନ୍ତୁ। ଆମେ କିଛି ଖରାପ ଷ୍ଟ୍ରୋକ୍ ଖେଳିଥିଲୁ କିନ୍ତୁ ତାଙ୍କର ପ୍ରଦର୍ଶନ ବହୁତ ଭଲ ଥିଲା । ସେ ଆହୁରି ମଧ୍ୟ କହିଛନ୍ତି, ଆଜି ଖେଳର ଗତି ବହୁତ ଧୀର ଥିଲା କିନ୍ତୁ ଏପରି ହୋଇଥାଏ । ଏହା ଆମ ପାଇଁ ଏକ ଭଲ ଶିକ୍ଷା ଥିଲା । ଏହା ନିରାଶଜନକ ଅଟେ କିନ୍ତୁ ଆମକୁ ଆହୁରି ଅନେକ ଖେଳ ଖେଳିବାର ଅଛି ।