Latest Odisha News

ୟେମେନ୍‌ରେ ସାଉଦୀର ଏୟାର ଷ୍ଟ୍ରାଇକ୍‌, ୩୧ ମୃତ

ରିୟାଦ: ୟେମେନ୍‌ରେ ସାଉଦୀ ବଡ ଧରଣର ଏୟାର ଷ୍ଟ୍ରାଇକ୍ କରିଛି । ଶନିବାର ବିଳମ୍ବିତ ରାତିରେ ଏହି ଏୟାର ଷ୍ଟ୍ରାଇକ୍ ହୋଇଛି । ଏଥିରେ ୩୧ ଜଣଙ୍କ ମୃତ୍ୟୁ ହୋଇଛି । ସାଉଦୀ ଆରବ ହୁତୀ ବିଦ୍ରୋହୀଙ୍କ ଶିବିର ଉପରେ ବୋମା ବର୍ଷଣ କରିଛି । ସାଉଦୀ ନିଜ ଲଡୁଆ ବିମାନ ଦୁର୍ଘଟଣା ଗ୍ରସ୍ତ ହେବା ପରେ ଏହି ଆକ୍ରମଣ କରିଛି । ଅନ୍ୟପକ୍ଷରେ ଏହାକୁ ଜାଣିଶୁଣି ଦୁର୍ଘଟଣା କରାଯାଇଛି ନା ଆଉ କୌଣସି ପ୍ରକାରରେ ହୋଇଛି ତାହା ଜଣାପଡି ନାହିଁ ।
ସେପଟେ ୟେମେନ୍ ସେନା ପକ୍ଷରୁ କୁହାଯାଇଛି ଯେ, ଏହା ଦୁର୍ଘଟଣା ଯୋଗୁଁ ହୋଇଛି । ଅପରପଟେ ହୁତୀ ବିଦ୍ରୋହୀମାନେ ଏହି ବୟାନକୁ ଖଣ୍ଡନ କରିଛନ୍ତି । ଶୁକ୍ରବାର ସାଉଦୀ ଯୁଦ୍ଧ ବିମାନ ଅଲ୍‌-ଜବାଫ ପ୍ରଦେଶରେ ଦୁର୍ଘଟଣା ଗ୍ରସ୍ତ ହୋଇଥିଲା । ଏହା ପଛରେ ହୁତୀ ବିଦ୍ରୋହୀମାନଙ୍କ ହାତ ଥିବା କୁହାଯାଉଛି । ତେବେ ଯୁଦ୍ଧ ବମାନ କିଭଳି ଦୁର୍ଘଟଣା ଗ୍ରସ୍ତ ହେଲା ସେ ନେଇ ସାଉଦୀ କିମ୍ବା ହୁତୀ ବିଦ୍ରୋହୀଙ୍କ ପକ୍ଷରୁ କୌଣସି ସ୍ପଷ୍ଟିକରଣ ଦିଆଯାଇ ନାହିଁ । ବିଦ୍ରୋହୀମାନେ ଆଡ୍‌ଭାନ୍ସ ସରଫେସ୍‌-ଟୁ-ଏୟାର ମିସାଇଲ ଦ୍ୱାରା ବିମାନଟିକୁ ଖସାଇ ଦେଇଥିବା ଅଭିଯୋଗ କରିଛନ୍ତି ।

Leave A Reply

Your email address will not be published.