କଟକ: ଆସନ୍ତକାଲିଠୁ ଜୋରଦାର ହେବ ଏସ୍ସିବି ମେଡକାଲ ସମ୍ପ୍ରସାରଣ ଲାଗି ଉଚ୍ଛେଦ ପ୍ରକ୍ରିୟା । ମଠ ମନ୍ଦିର ସହିତ ଅନ୍ୟାନ୍ୟ ଧର୍ମାନୁଷ୍ଠାନର ମଧ୍ୟ ଉଚ୍ଛେଦ ହେବ । ପ୍ରଥମ ପର୍ଯ୍ୟାୟରେ ତାଳଦଣ୍ଡା କେନାଳ ଚାରିପାଖରେ ଥିବା ବିଭିନ୍ନ ମଠ ମନ୍ଦିରର ଉଚ୍ଛେଦ କରାଯିବ । ମାର୍ଚ୍ଚ ମାସ ଆରମ୍ଭରୁ ଏସ୍ସିବି ସମ୍ପ୍ରସାରଣ କାମ ଆରମ୍ଭ ହେବ । ଏଥିପାଇଁ ଫେବୃଆରୀ ମାସ ଶେଷ ସୁଦ୍ଧା ଉଚ୍ଛେଦ ପ୍ରକ୍ରିୟା ସାରିବାକୁ ସମୟ ଧାର୍ଯ୍ୟ କରାଯାଇଛି । ଏନେଇ ସୂଚନା ଦେଇଛନ୍ତି ରେଭେନ୍ୟୁ ଡଭିଜନାଲ କମିଶନର ଅନିଲ କୁମାର ସାମଲ ।
ମହାନଗର ନିଗମ ଓ ଜିଲ୍ଲା ପ୍ରଶାସନର ସର୍ଭେରେ ୫୪୫ ଘର, ୮୮ଟି ଦୋକାନ ଘର, ସିଏମ୍ସିର ୩୦ଟି ଦୋକାନ, ଧର୍ମାନୁଷ୍ଠାନ, ୧୭ଟି କ୍ଲବ ଓ ୧୪ଟି ଷ୍ଟ୍ରିଟ୍ ଭେଣ୍ଡର ରହିଥିବା ଜଣାପଡିଛି । ସମସ୍ତଙ୍କୁ ପ୍ରଥମେ ଥଇଥାନ କରାଯାଉଛି । ସରକାରୀ କର୍ମଚାରୀଙ୍କୁ ଘର ଭଡା ବାବଦରେ ଅର୍ଥ ଦିଆଯାଉଛି ।
ପ୍ରଥମ ଶ୍ରେଣୀ କର୍ମଚାରୀଙ୍କ ପାଇଁ ୧୨,୫୦୦, ଦ୍ୱିତୀୟ ଶ୍ରେଣୀ କର୍ମଚାରୀଙ୍କ ପାଇଁ ୧୦,୦୦୦, ତୃତୀୟ ଶ୍ରେଣୀ କର୍ମଚାରୀଙ୍କ ପାଇଁ ୭,୫୦୦ ଓ ଚତୁର୍ଥ ଶ୍ରେଣୀ କର୍ମଚାରୀଙ୍କ ପାଇଁ ୫୦୦୦ ଟଙ୍କା ଘର ଭଡା ବାବଦକୁ ଆର୍ଥିକ ରାଶରି ପ୍ରଦାନ କରାଯିବ ବୋଲି ସାମ୍ବାଦିକ ସମ୍ମିଳନୀରେ କଟକ ଜିଲ୍ଲାପାଳ ସୂଚନା ଦେଇଛନ୍ତି ।
Comments are closed.