ବାଲେଶ୍ୱର: ଚଳିତବର୍ଷ ପୁଣିଥରେ ଭସାଣୀ ବେଳେ ଅଘଟଣ ସାମ୍ନାକୁ ଆସିଛି । ବାଲେଶ୍ୱର ଜିଲ୍ଲା ଜଳେଶ୍ୱର ବ୍ଲକ ଅନ୍ତର୍ଗତ ରାଜଘାଟରେ ମୂର୍ତ୍ତି ବିସର୍ଜନ ବେଳେ ତିନି ଛାତ୍ର ନଦୀରେ ବୁଡିଯାଇଥିଲେ ।
ମିଳିଥିବା ରିପୋର୍ଟ ଅନୁଯାୟୀ ସୁବର୍ଣ୍ଣରେଖା ନଦୀର ବାରୁଣୀ ଘାଟରେ ଚାଲିଥିଲା ଗଣେଶ ମୂର୍ତ୍ତି ବିସର୍ଜନ । ସେହି ସମୟରେ ଗୋଡ ଖସିଯିବାରୁ ଦଶମ ଶ୍ରଣୀର ତିନିଜଣ ଛାତ୍ର ନଦୀରେ ବୁଡିଯାଇଥିଲେ । ଦୁଇଜଣଙ୍କୁ ସ୍ଥାନୀୟ ଲୋକେ ଉଦ୍ଧାର କରିଥଲାବେଳେ ଅନ୍ୟ ଜଣେ ଛାତ୍ର ନିଖୋଜ ଅଛନ୍ତି ।
ଖବର ପାଇ ନଦୀରେ ବହୁ ସମୟ ଧରି ଖୋଜାଖୋଜି କରିଥିଲା ଜଳେଶ୍ୱର ଓ ବସ୍ତା ଅଗ୍ନିଶମ ବିଭାଗ । ହେଲେ ଏ ପର୍ଯ୍ୟନ୍ତ ନିଖୋଜ ଛାତ୍ରଙ୍କୁ ଉଦ୍ଧାର କରିବା ସମ୍ଭବ ହୋଇପାରିନି । ନିଖୋଜ ଛାତ୍ରଙ୍କ ପରିଚୟ ସ୍ଥାନୀୟ ରାମଚନ୍ଦ୍ରପୁର ଗାଁର ଗୁରୁପ୍ରସାଦ ସାମଲ ବୋଲି ଜଣାପଡିଛି ।
Comments are closed.