ଉତ୍ତରାଖଣ୍ଡ: ଭାରତର ଅପରେସନ ସିନ୍ଦୁର ପରେ ସମଗ୍ର ଦେଶ ସତର୍କ ରହିଛି। ଉତ୍ତରାଖଣ୍ଡରେ ମଧ୍ୟ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି। ପହଲଗାମ ଆତଙ୍କବାଦୀ ଆକ୍ରମଣ ପରେ ଉତ୍ତରାଖଣ୍ଡ ଚାରିଧାମ ଯାତ୍ରା ରୁଟରେ ସ୍ୱତନ୍ତ୍ର ସତର୍କତା ଅବଲମ୍ବନ କରାଯାଉଛି। ରାଜ୍ୟ ସରକାର ଆତଙ୍କବାଦ ନିରୋଧୀ ଦଳ (ATS) ସହିତ ଗଙ୍ଗୋତ୍ରୀ ଏବଂ ଯମୁନୋତ୍ରୀ ଧାମ ସମେତ ଯାତ୍ରା ମାର୍ଗରେ ଅର୍ଦ୍ଧସାମରିକ ବାହିନୀ ମୁତୟନ କରିଛନ୍ତି।
ITBP (ଭାରତ-ତିବ୍ଦତୀୟ ସୀମା ପୋଲିସ)କର୍ମଚାରୀମାନେ ପ୍ରମୁଖ ସ୍ଥାନରେ ଯାନବାହାନ ଏବଂ ସନ୍ଦିଗ୍ଧ ଲୋକଙ୍କ ଯାଞ୍ଚ କରୁଛନ୍ତି। ଗଙ୍ଗୋତ୍ରୀ ଯାତ୍ରା ରୁଟରେ ଦୁଇଟି ପ୍ଲାଟୁନ ଏବଂ ଯମୁନୋତ୍ରୀରେ ଗୋଟିଏ ପ୍ଲାଟୁନ ମୁତୟନ କରାଯାଇଛି।
चारधाम यात्रा के दौरान श्री गंगोत्री व यमुनोत्री धाम पर श्रद्धालुओं की सुरक्षा सुनिश्चित करने के लिए उत्तरकाशी पुलिस पूरी तरह से सतर्क व मुस्तैद है,बैरियर/चैक पोस्ट पर पुलिस व CAPF के जवानों द्वारा संदिग्ध वाहन/व्यक्तियों तथा गतिविधियों पर कड़ी निगरानी रखी जा रही है। pic.twitter.com/H6ULQeWuMO
— Uttarkashi Police Uttarakhand (@UttarkashiPol) May 7, 2025
ଗଙ୍ଗୋତ୍ରୀ ଏବଂ ଯମୁନୋତ୍ରୀ ଧାମର ଦ୍ୱାର ଖୋଲିବା ସହିତ ଉତ୍ତରାଖଣ୍ଡ ପୋଲିସର ATS କର୍ମଚାରୀମାନଙ୍କୁ ମଧ୍ୟ ଉଭୟ ଧାମରେ ନିୟୋଜିତ କରାଯାଇଥିଲା। ସେହି ସମୟରେ, ରାଜ୍ୟ ସରକାର କେନ୍ଦ୍ର ସରକାରଙ୍କଠାରୁ ଅର୍ଦ୍ଧସାମରିକ ବଳ ମଧ୍ୟ ଦାବି କରିଛନ୍ତି। ରାଜ୍ୟ ସରକାରଙ୍କ ଦାବି ଅନୁଯାୟୀ, ଗଙ୍ଗୋତ୍ରୀ ଏବଂ ଯମୁନୋତ୍ରୀ ଧାମ ଯାତ୍ରା ରାସ୍ତାରେ ତିନି ପ୍ଲାଟୁନ୍ ITBP ମୁତୟନ କରାଯାଇଛି।
ସୁରକ୍ଷା ବ୍ୟବସ୍ଥା ପାଇଁ ପୋଲିସ ସହିତ ଏବେ ବିଭିନ୍ନ ସ୍ଥାନରେ ଅର୍ଦ୍ଧସାମରିକ ବାହିନୀ ନିୟୋଜିତ ହୋଇଛନ୍ତି। ଏହି ଧାମ ଗୁଡ଼ିକୁ ଆସୁଥିବା ସମସ୍ତ ଲୋକଙ୍କ ଉପରେ ସେମାନେ ନଜର ରଖିଛନ୍ତି।
ପ୍ରତିବର୍ଷ ପରି, ଏଥର ବଦ୍ରିନାଥ ଧାମର ସୁରକ୍ଷା ଦାୟିତ୍ୱ ଇଣ୍ଡୋ-ତିବ୍ଦତୀୟ ସୀମା ପୋଲିସ (ITBP) ଦ୍ୱାରା ନିର୍ବାହ କରାଯାଇଥିଲା । କିନ୍ତୁ ଏବେ ବୁଧବାର ଦିନ ଭାରତୀୟ ରିଜର୍ଭ ବାଟାଲିୟନ (IRB) କୁ ସୁରକ୍ଷା ଦାୟିତ୍ୱ ହସ୍ତାନ୍ତର କରାଯାଇଛି।
Comments are closed.