ନୂଆଦିଲ୍ଲୀ: ଭାରତର ୪ର୍ଥ ମହିଳା ରେସଲର ଭାବେ ସୀମା ବିସଲା ଅଲିମ୍ପିକ ଯୋଗ୍ୟତା ହାସଲ କରିଛନ୍ତି । ତାଙ୍କ ପୂର୍ବରୁ ଭିନେଶ(୫୩ କିଗ୍ରା), ଅଂଶୁ ମଲିକ (୫୭କିଗ୍ରା) ଓ ସୋନମ ମଲିକ (୬୨କିଗ୍ରା) ଅଲିମ୍ପିକ ଟିକେଟ କାଟି ସାରିଥିଲେ । ବିଶ୍ୱ ଅଲିମ୍ପିକ ଯୋଗ୍ୟତା ପର୍ଯ୍ୟାୟ ମୁକାବିଲାରେ ସେ ୫୦ କିଲୋଗ୍ରାମ ବିଭାଗର ଫାଇନାଲରେ ପ୍ରବେଶ କରି ଏହି ସଫଳତା ହାସଲ କରିଛନ୍ତି ।
ସେମିଫାଇନାଲରେ ସୀମା ପୋଲାଣ୍ଡର ଅନ୍ନା ଲୁକାସିୟାକଙ୍କୁ ପରାସ୍ତ କରିଥିଲେ । ଫାଇନାଲରେ ସେ ଇକ୍ୱେଡରର ଲୁସିୟା ୟାମିଲେଥଙ୍କୁ ଭେଟିବେ । ପୁରୁଷ ୧୨୫ କିଗ୍ରା ବିଭାଗ ଫାଇନାଲରୁ ସୁମିତ ମଲିକ ଶେଷ ମୂହର୍ତରେ ଆଘାତ ସମସ୍ୟା ଯୋଗୁ ଓହରି ଯାଇଥିଲେ ।
Comments are closed.