ଆଇଚି-ନାଗୋୟା:ଜାପାନର ଆଇଚି-ନାଗୋୟାଠାରେ ଚାଲିଥିବା ଏସିଆନ୍ ଗେମ୍ସ ୨୦୨୬ର ପୁରୁଷ କ୍ରିକେଟ୍ ସେମିଫାଇନାଲରେ ଭାରତର ସାମ୍ନା ଶ୍ରୀଲଙ୍କା ସହ ଏବଂ ପାକିସ୍ତାନର ମୁକାବିଲା ବାଂଲାଦେଶ ସହ ହେବ । ପ୍ରବଳ ବର୍ଷା ଯୋଗୁଁ ଚାରୋଟିଯାକ କ୍ୱାଟରଫାଇନାଲ୍ ମ୍ୟାଚ୍ ଗୋଟିଏ ହେଲେ ବି ବଲ୍ ନଫିଙ୍ଗି ରଦ୍ଦ କରିଦିଆଯାଇଥିଲା । ଏହାପରେ ଆଇସିସି ଟି୨୦ ର଼୍ୟାଙ୍କିଂରେ ଶ୍ରେଷ୍ଠ ସ୍ଥାନରେ ଥିବା କାରଣରୁ ଭାରତ, ଶ୍ରୀଲଙ୍କା, ପାକିସ୍ତାନ ଏବଂ ବାଂଲାଦେଶ ସେମିଫାଇନାଲରେ ପ୍ରବେଶ କରିଛନ୍ତି । ନିଶିନଠାରେ ଶ୍ରୀଲଙ୍କା ଓ ନେପାଳ ମଧ୍ୟରେ ହେବାକୁ ଥିବା ମ୍ୟାଚ୍ ପ୍ରବଳ ବର୍ଷା ଯୋଗୁଁ ଟସ୍ ପୂର୍ବରୁ ହିଁ ରଦ୍ଦ ହୋଇଥିଲା । ର଼୍ୟାଙ୍କିଂ ଆଧାରରେ ଶ୍ରୀଲଙ୍କା ସେମିଫାଇନାଲକୁ ଯାଇଛି । ଚତୁର୍ଥ କ୍ୱାଟରଫାଇନାଲ ମ୍ୟାଚ୍ ବର୍ଷା ଯୋଗୁଁ ଧୋଇଯାଇଥିଲା । ଭଲ ର଼୍ୟାଙ୍କିଂ ବଳରେ ବାଂଲାଦେଶ ସେମିଫାଇନାଲରେ ପହଞ୍ଚିଛି, ଯେଉଁଠାରେ ସେ ପାକିସ୍ତାନକୁ ଭେଟିବ ।
ସୋମବାର ଭାରତ-ଆଫଗାନିସ୍ତାନ ଏବଂ ପାକିସ୍ତାନ-ହଂକଂ ମଧ୍ୟରେ ହେବାକୁ ଥିବା କ୍ୱାଟରଫାଇନାଲ ମ୍ୟାଚଗୁଡ଼ିକ ମଧ୍ୟ ବର୍ଷା ଯୋଗୁଁ ବାତିଲ ହୋଇଥିଲା । ଭାରତ ଓ ପାକିସ୍ତାନ ନିଜର ଶ୍ରେଷ୍ଠ ସିଡିଂ ବଳରେ ଅନ୍ତିମ-୪ (ସେମିଫାଇନାଲ)ରେ ସ୍ଥାନ ପକ୍କା କରିଛନ୍ତି । ୨୦୨୨ ଏସିଆନ୍ ଗେମ୍ସ କ୍ୱାଟରଫାଇନାଲରୁ ବିଦା ହୋଇଥିବା ଶ୍ରୀଲଙ୍କା ଏଥର ସେମିଫାଇନାଲରେ ଭାରତର ସାମ୍ନା କରିବ। ଯଦି ଭାରତ ବିପକ୍ଷ ସେମିଫାଇନାଲ ମ୍ୟାଚ୍ ମଧ୍ୟ ବର୍ଷା ଯୋଗୁଁ ଧୋଇଯାଏ, ତେବେ ଶ୍ରେଷ୍ଠ ର଼୍ୟାଙ୍କିଂ ଆଧାରରେ ଭାରତ ଫାଇନାଲରେ ପହଞ୍ଚିଯିବ । ବାଂଲାଦେଶ ୨୦୧୦ରେ ଆଫଗାନିସ୍ତାନକୁ ହରାଇ ସ୍ୱର୍ଣ୍ଣ , ୨୦୧୪ ଓ ୨୦୨୩ରେ ବ୍ରୋଞ୍ଜ ପଦକ ଜିତିଥିଲା । ଭାରତୀୟ ପୁରୁଷ କ୍ରିକେଟ୍ ଟିମ୍ କ୍ରମାଗତ ଦ୍ୱିତୀୟ ସ୍ୱର୍ଣ୍ଣ (ଏକ୍ଟକ୍ଷୟ) ପଦକ ଜିତିବା ଲକ୍ଷ୍ୟରେ ଅଛି। ୨୦୨୨ ହାଙ୍ଗଝୋଉ ଏସିଆନ୍ ଗେମ୍ସ ଫାଇନାଲରେ ବର୍ଷା ଯୋଗୁଁ ମ୍ୟାଚ୍ ପୂରା ହୋଇନପାରିବାରୁ ଶ୍ରେଷ୍ଠ ର଼୍ୟାଙ୍କିଂ ଆଧାରରେ ଭାରତକୁ ଗୋଲ୍ଡ ମେଡାଲ ମିଳିଥିଲା।
