ସିଲଭର ଏଜ୍ ଫାଉଣ୍ଡେସନ ଦ୍ୱାରା ଏଲ୍ଡର୍ସ ଫେଷ୍ଟ ଆୟୋଜନ : ପ୍ରତିଭା ପ୍ରଦର୍ଶନ କଲେ ବରିଷ୍ଠ ନାଗରିକ

ଭୁବନେଶ୍ୱର : ସିଲଭର ଏଜ୍ ଫାଉଣ୍ଡେସନ ଦ୍ୱାରା ଏଲ୍ଡର୍ସ ଫେଷ୍ଟ ଆୟୋଜନ କରାଯାଇଛି । ବରିଷ୍ଠ ନାଗରିକ ମାନଙ୍କ କଲ୍ୟାଣ ପାଇଁ ସ୍ୱତନ୍ତ୍ର ଭାବେ କାର୍ଯ୍ୟ କରୁଥିବା ରାଜ୍ୟର ଏକମାତ୍ର ସଙ୍ଗଠନ ସିଲଭର ଏଜ୍ ଫାଉଣ୍ଡେସନ ପକ୍ଷରୁ ଚତୁର୍ଥ ଏଲ୍ଡର୍ସ ଫେଷ୍ଟ ଭୁବନେଶ୍ୱର ମଦର୍ସ ପବ୍ଲିକ ସ୍କୁଲ ଅଡିଟୋରିୟମରେ ଆୟୋଜିତ ହୋଇଯାଇଛି ।ସୁସ୍ଥ ବାର୍ଦ୍ଧକ୍ୟ କାର୍ଯ୍ୟକ୍ରମର ଏକ ଅଂଶ ଭାବରେ ଆୟୋଜିତ ହୋଇଥିବା ଏହି ଏଲ୍ଡର୍ସ ଫେଷ୍ଟ କାର୍ଯ୍ୟକ୍ରମରେ ବରିଷ୍ଠ ନାଗରିକ ମାନେ ବିଭିନ୍ନ କଳା ପ୍ରଦର୍ଶନ କରି ସେମାନଙ୍କର ପ୍ରତିଭା ପ୍ରଦର୍ଶନ କରିଥିଲେ ।

କାର୍ଯ୍ୟକ୍ରମର ଆରମ୍ଭରେ ସିଲଭର ଏଜ୍ ଫାଉଣ୍ଡେସନ୍ ର ସଦସ୍ୟ ମାନେ ଏକ ଗୃପ ସଙ୍ଗୀତ ପରିବେଷଣ କରିଥିଲେ । ଏହା ପରେ ପରେ ସେମାନେ ଏକ ନାଟକ ‘ବାରମଜା’, ୯ ଜଣ ସଦସ୍ୟ ମାନଙ୍କ ଦ୍ଵାରା ଓଡିଶୀ ନୃତ୍ୟ, କ୍ୟାସିଓ କି ବୋର୍ଡ ସଙ୍ଗୀତ, ଗୃପ ଡ୍ୟାନ୍ସ, ଫାଇନ୍ ଆର୍ଟ ପ୍ରଦର୍ଶନୀ, ରାଇମିକ ଯୋଗ ଆଦି ବିଭିନ୍ନ କଳା ପରିବେଷଣ କରିଥିଲେ ।

କୋଭିଡ୍ ଯୋଗୁଁ ଲକଡାଉନ୍ ସମୟରେ ଘରେ ଥିବା ବେଳେ ଏହି କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିବା ବରିଷ୍ଠ ନାଗରିକ ମାନେ ଏହି ସବୁ କଳା ଅନଲାଇନ କ୍ଳାସ ମଧ୍ୟମରେ ଶିଖି ଥିଲେ ଏବଂ ଗତ ତିନିମାସ ଧରି ଏହାକୁ ଅନଲାଇନରେ ଅଭ୍ଯାସ କରିଥିଲେ । କୋଭିଡ ପାଇଁ କଟକଣା ଉଠିଯିବା ପରେ, ଅଂଶଗ୍ରହଣକାରୀ ବରିଷ୍ଠ ନାଗରିକ ମାନେ ଗତ ଦୁଇ ସପ୍ତାହ ଧରି ରିହର୍ସାଲ୍ ଜାରି ରଖିଥିଲେ | ବଲିଉଡ୍ ଗ୍ରୁପ୍ ଡ୍ୟାନ୍ସ ଏବଂ ଇଂରାଜୀ ସଙ୍ଗୀତ ଡ୍ୟାଡି କୁଲ୍ ତାଳରେ ପୁରୁଷ ସଦସ୍ୟ ମାନଙ୍କ ନୃତ୍ୟକୁ ଦର୍ଶକମାନେ ବହୁ ପ୍ରଶଂସା କରିଥିଲେ ।

ଏହି କାର୍ଯ୍ୟକ୍ରମର ଏକ ମୁଖ୍ୟ ଆକର୍ଷଣ ଯାହା ଦର୍ଶକମାନେ ବହୁ ପ୍ରଶଂସା କରିଥିଲେ ବଲିଉଡ୍ ଗ୍ରୁପ୍ ଡ୍ୟାନ୍ସ ଏବଂ ଇଂରାଜୀ ଗୀତ ଡ୍ୟାଡି କୁଲ୍ ର ପୁରୁଷ ସଦସ୍ୟଙ୍କ ନୃତ୍ୟ | ଆଜିର ଏଲ୍ଡର୍ ଫେଷ୍ଟରେ ସମୁଦାୟ ୩୩ ଜଣ ସଦସ୍ୟ ଅଂଶଗ୍ରହଣ କରିଥିଲେ |

ମିଳିତ ଜାତିସଂଘ ଦ୍ଵାରା ଘୋଷିତ ସୁସ୍ଥ ବାର୍ଦ୍ଧକ୍ୟ ଦଶକ ୨୦୨୧-୨୦୩୦ର ଅଂଶ ଭାବରେ ଏହି ଏଲ୍ଡର୍ସ ଫେଷ୍ଟ ଆୟୋଜନ କରଯାଇଥିଲା । ଗତ ୨୦୨୧ ଓ ୨୦୨୨ରେ ଏହି ଫେଷ୍ଟ ଅନଲାଇନ ମଧ୍ୟମରେ ଅନୁଷ୍ଠିତ ହୋଇଥିବା ବେଳେ, ଦୁଇ ବର୍ଷର ବ୍ୟବଧାନ ପରେ ବାର୍ଷିକ କାର୍ଯ୍ୟକ୍ରମ ଅଫଲାଇନରେ ଆୟୋଜନ କରଯାଇଥିଲା ।

ପ୍ରଥମ ଏଲ୍ଡର୍ସ ଫେଷ୍ଟ ୨୦୧୯ରେ ଅନୁଷ୍ଠିତ ହୋଇଥଲା, ଯେଉଁଥିରେ ଫ୍ୟାଶନ୍ ସୋ ଏବଂ ରେମ୍ପ୍ ଚାଲିବା ମୁଖ୍ୟ ଆକର୍ଷଣ ଥିଲା । ଆଗାମୀ ବର୍ଷଗୁଡିକରେ, ଏହି ପ୍ରଥମ ଏଲ୍ଡର୍ସ ଫେଷ୍ଟରେ ଅନ୍ୟାନ୍ୟ କଳାକୁ ଅନ୍ତର୍ଭୁକ୍ତ କରିବା ସହିତ ଏହାକୁ ରାଜ୍ୟ ସ୍ତରୀୟ କରିବା ପାଇଁ ପ୍ରଚେଷ୍ଠ କରାଯିବ ବୋଲି ସିଲଭର ଏଜ୍ ଫାଉଣ୍ଡେସନ୍ ପକ୍ଷରୁ କୁହାଯାଇଛି । ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିବାକୁ ରାଜ୍ୟର ବିଭିନ୍ନ ସହରର ବରିଷ୍ଠ ନାଗରିକ ସଙ୍ଗଠନ ମାନଙ୍କୁ ଆମନ୍ତ୍ରିତ କରାଯିବ ।

କେବଳ ବରିଷ୍ଠ ନାଗରିକଙ୍କ କଲ୍ୟାଣ ପାଇଁ ସ୍ୱତନ୍ତ୍ର ଭାବରେ କାର୍ଯ୍ୟ କରୁଥିବା ରାଜ୍ୟର ଏକମାତ୍ର ସଂଗଠନ ହେଉଛି ସିଲଭର ଏଜ୍ ଫାଉଣ୍ଡେସନ୍ । ଏହାର ସମସ୍ତ ସଦସ୍ୟ ମାନେ ବରିଷ୍ଠ ନାଗରିକ ଯେଉଁମାନେ ନିଜକୁ ସକ୍ରିୟ ରଖିବା ପାଇଁ ନୃତ୍ୟ, ସଙ୍ଗୀତ, ଯୋଗ, ଥିଏଟର, ପେଣ୍ଟିଂ ଆଦି ବିଭିନ୍ନ ହବି କ୍ଳାସରେ ଅଂଶଗ୍ରହଣ କରିଥାନ୍ତି ।

ବରିଷ୍ଠ ନାଗରିକ ମାନଙ୍କ ସମ୍ପର୍କିତ ବିଭିନ୍ନ ପ୍ରସଙ୍ଗରେ କାର୍ଯ୍ୟ କରିବା ସହିତ, ଡିଜିଟାଲ୍ ଏବଂ ସ୍ମାର୍ଟ ଫୋନ୍ ବ୍ୟବହାର, ଡିମେନ୍ସିଆ (ବିସ୍ମରଣ) ଏବଂ ଆଲଜାଇମର ରୋଗ, ଆର୍ଥିକ ଏବଂ ଆଇନଗତ ସଚେତନତା, ଉନ୍ନତ ସ୍ୱାସ୍ଥ୍ୟ ଏବଂ ଜୀବନ ଶୈଳୀ ଆଦି ବିଷୟରେ କାର୍ୟ୍ଯକ୍ରମ ଆୟୋଜନ କରିଥାଏ । ଏହି ଫାଉଣ୍ଡେସନରେ ପ୍ରାୟ ୧୨୦ ଜଣ ସଦସ୍ୟ ଅଛନ୍ତି। କୋଭିଡ୍ ସମୟରେ, ଏହା ବରିଷ୍ଠ ନାଗରିକମାନଙ୍କ ଏକାକୀତ୍ଵକୁ ଦୂର କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲା ।