ଇଟାନଗର: ଅରୁଣାଚଳର କାମେଙ୍ଗ ସେକ୍ଟରରେ ନିଖୋଜ ୭ ଯବାନଙ୍କ ମୃତ ଦେହ ଆଜି ମିଳିଛି । ଏ ନେଇ ସେନା ପକ୍ଷରୁ ବିଧିବଦ୍ଧ ଭାବେ ସୂଚନା ଦିଆଯାଇଛି । ପ୍ୟାଟ୍ରେଲିଂ କରୁଥିବା ବେଳେ ସେମାନଙ୍କ ଉପରେ ବରଫ ଅତଡା ଖସି ପଡିଥିଲା । ଯୋଗାଯୋଗ ବିଚ୍ଛିନ୍ନ ହେବାରୁ ଏକ ସ୍ୱତନ୍ତ୍ର ଟିମ ଯାଇ ସେମାନଙ୍କୁ ଖୋଜା ଯାଇଥିଲା । ମାତ୍ର କାହାକୁ ବଂଚାଇବା ସମ୍ଭବପର ହୋଇ ନ ଥିଲା । ସମସ୍ତଙ୍କର ହିମ ସମାଧି ଘଟିଥିଲା କହିବା ଭୁଲ ହେବନି ।
କ୍ରମାଗତ ତୁଷାରପାତ ଯୋଗୁ ଏବେ ଏହି ଅଂଚଳରେ ଯବାନଙ୍କ ପାଇଁ ଡ୍ୟୁଟି କରିବା କଷ୍ଟକର ହୋଇ ପଡୁଛି । ସମସ୍ତ ସୁରକ୍ଷା ବ୍ୟବସ୍ଥା ଏବଂ ପର୍ଯ୍ୟାପ୍ତ ପ୍ରଶିକ୍ଷଣ ସତ୍ୱେ ବାରମ୍ବାର ଏ ଭଳି ଅଘଟଣା ଘଟୁଛି । ଚୀନର ଲୋଲୁପ ଆଖି ଏହି ଅଂଚଳରେ ଥିବାରୁ ସେନାକୁ ସୀମାରେ ତୀକ୍ଷଣ ନଜର ରଖିବାକୁ ପଡୁଛି ।
Comments are closed.