ପ୍ରତ୍ୟେକ ରାଜ୍ୟରେ ଆଜିକାଲି ଟ୍ରାଫିକ୍ ନିୟମ କଡ଼ାକଡ଼ି ହୋଇଯାଇଛି । ଯଦି କେହି ଟ୍ରାଫିକ୍ ନିୟମକୁ ଉଲ୍ଲଂଘନ କରନ୍ତି, ସଙ୍ଗେ ସଙ୍ଗେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି । ଯେମିତି କି ଘରକୁ ଚାଲାଣ ପଠାଯାଇ ଜରିମାନା ଆଦାୟ କରାଯାଉଛି । ଗୋଟିଏ ବାଇକ୍ରେ ଦୁଇରୁ ଅଧିକ ବସିକି ଗଲେ ଟ୍ରାଫିକ୍ ପୋଲିସ ଧରିବାର ଡ଼ର ରହିଥାଏ । ହେଲେ ଜଣେ ବ୍ୟକ୍ତି ତାଙ୍କ ବାଇକ୍ରେ ପୁରା ପରିବାରକୁ ନେଇ ଯାଉଛନ୍ତି । କେବଳ ସେତିକି ନୁହେଁ, ତାଙ୍କ ସହିତ ଦୁଇଟି କୁକୁର ଓ ଗୋଟିଏ କୁକୁଡ଼ା ନେଇ ଯାଉଛନ୍ତି । ଏହାର ଏକ ଭିଡ଼ିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଜଣେ ବ୍ୟକ୍ତି ବାଇକ୍ ଚଲାଇ ଯାଉଛନ୍ତି । ତାଙ୍କ ବାଇକ୍ର ପେଟ୍ରୋଲ ଟାଙ୍କି ଉପରେ ଦୁଇଜଣ ପିଲା ବସିଛନ୍ତି । ବ୍ୟକ୍ତିଙ୍କ ପଛରେ ସ୍ତ୍ରୀ ଏବଂ ଅନ୍ୟ ଦୁଇ ପିଲା ବସିଛନ୍ତି । ଏହାଛଡ଼ା ଅନ୍ୟ ଜଣେ ଶିଶୁ ମହିଳାଙ୍କ କାନ୍ଧରେ ବସିଛି । କେବଳ ଏତିକି ନୁହେଁ ଗାଡ଼ିରେ ଜିନିଷପତ୍ର ସହ ଦୁଇ କୁକୁର, କୁକୁଡା ମଧ୍ୟ ଲଦା ହୋଇଛନ୍ତି । ଏହି ବ୍ୟକ୍ତିଙ୍କୁ ଦେଖି ଅନ୍ୟ ଜଣେ ତାର ଭିଡିଓ କରିଥିଲେ । ଏବେ ଭିଡିଓଟି ବେଶ ଭାଇରାଲ ହେଉଥିବା ବେଳେ ଲୋକେ କିଭଳି ଏହା ସମ୍ଭବ ତାହାକୁ ନେଇ ଚିନ୍ତାରେ ପଡ଼ିଛନ୍ତି ।
Comments are closed.