ବିଶାଖାପାଟନମ୍: ଟ୍ରକ୍ ସହ ଧକ୍କା ହେଲା କାର୍ ନବଦମ୍ପତ୍ତିଙ୍କ ସହ ଚାଲିଗଲା ଗୋଟିଏ ପରିବାରର ୫ ଜଣଙ୍କ ଜୀବନ । ଏଭଳି ଘଟଣା ଘଟିଛି ଆନ୍ଧ୍ରପ୍ରଦେଶ ନାଦ୍ୟାଲ ଜିଲ୍ଲା ଅଲ୍ଲାଗଡ୍ଡା ମଣ୍ଡଳ ଅଧୀନ ନାଲାଗାଟଲା ନ୍ୟାସନାଲ ହାଇୱେରେ ।
ଖବର ମୁତାବକ, ଏହି ପରିବାର ସିକନ୍ଦରାବାଦର ଅଲୱାଲ ଅଞ୍ଚଳର ବାସିନ୍ଦା ଥିଲେ । ଏକ ସପ୍ତାହ ପୂର୍ବରୁ ଅର୍ଥାତ୍ ଫେବୃଆରୀ 29 ରେ ବାଲାକିରଣ ଏବଂ କାଭ୍ୟାଙ୍କର ବିବାହ ହୋଇଥିଲା । ମାର୍ଚ୍ଚ 3 ରେ ସେମାନଙ୍କର ରିସେପସନ୍ ଅନୁଷ୍ଠିତ ହୋଇଥିଲା । ନବଦମ୍ପତ୍ତି ସହ ପୁରା ପରିବାର ତିରୁପତି ସ୍ଥିତ ଏକ ମନ୍ଦିରରୁ ଦର୍ଶନ ସାରି ଫେରୁଥିଲେ ।
ଏହି ସମୟରେ ନାଲାଗାଟଲା ନ୍ୟାସନାଲ ହାଇୱେରେ ଏକ ଟ୍ରକ୍ ରାସ୍ତା କଡରେ ଠିଆ ହୋଇଥିଲା । ଏହି ସମୟରେ କାରଟି ଯାଇ ଟ୍ରକ୍ ପଛରେ ପିଟି ହୋଇଥିଲା । ଯେଉଁଥିରେ ବାଲାକିରଣ ଓ କାଭ୍ୟାଙ୍କ ସମେତ, ବାଲାକିରଣଙ୍କ ମାଆ ମନ୍ଥରୀ ଲକ୍ଷ୍ମୀ, ପିତା ମନ୍ଥରୀ ରବିନ୍ଦର ଏବଂ ସାନଭାଇ ଉଦୟଙ୍କ ର ମଧ୍ୟ ମୃତ୍ୟୁ ହୋଇଛି । ଏହି ଦୁର୍ଘଟଣା ଭୋର ପ୍ରାୟ ୫ଟା ୧୫ ମିନିଟରେ ଘଟିଥିବା କୁହାଯାଉଛି ।
ଦୁର୍ଘଟଣା ପରେ ପୋଲିସ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ମେଡିକାଲ କୁ ପଠାଇ ତଦନ୍ତ ଆରମ୍ଭ କରିଛି ।
Comments are closed.