ମୁମ୍ବାଇ: ବହୁଚର୍ଚ୍ଚିତ କିଙ୍ଗ ଖାନଙ୍କ ଅଭିନୀତ ଫିଲ୍ମ ‘ଜୱାନ୍’ ବକ୍ସ ଅଫିସରେ ନୂଆ ରେକର୍ଡ ସୃଷ୍ଟି କରିଛି । ରିଲିଜ୍ ହେବା ଦିନ ଠାରୁ ଫିଲ୍ମଟି ବକ୍ସ ଅଫିସରେ ଧମାଲ ମଚାଉଛି । ଫିଲ୍ମଟି ରିଲିଜ୍ ହେବାର ଆଜକୁ ପ୍ରାୟ ୧୦ ଦିନ ବିତି ଯାଇଥିଲେ ମଧ୍ୟ ଫିଲ୍ମଟିର କ୍ରେଜ୍ କମିନି । ଏହି ୧୦ଦିନ ମଧ୍ୟରେ ଭାରତରେ ୪୦୦କୋଟି ଏବଂ ବିଶ୍ବରେ ୭୦୦କୋଟି କ୍ଲବରେ ସାମିଲ ହୋଇ ପଠାନର ରେକର୍ଡକୁ ଭାଙ୍ଗିଛି ‘ଜୱାନ’ । କେବଳ ‘ପଠାନ’ର ନୁହେଁ ଏହି ଫିଲ୍ମଟି ‘ଗଦ୍ଦର-୨’, ‘ବାହୁବଳୀ-୨’ ଓ ‘କେଜିଏଫ’ର ସମସ୍ତ ରେକର୍ଡ ମଧ୍ୟ ଭାଙ୍ଗିଛି ।
ରିପୋର୍ଟ ଅନୁଯାୟୀ ଫିଲ୍ମଟି ରିଲିଜ୍ ହେବାର ଦଶମ ଦିନରେ ଦେଶରେ ୩୧.୫୦ କୋଟି ରୋଜଗାର କରିଛି । ଏହା ସହିତ ଫିଲ୍ମଟିର ମୋଟ କଲେକସନ୍ ୪୪୦.୪୮ କୋଟିରେ ପହଞ୍ଚିଛି । ଚଳିତ ବର୍ଷ ଜାନୁଆରୀ ୨୫ରେ ରିଲିଜ୍ ହୋଇଥିବା ଶାହାରୁଖ୍ ଖାନଙ୍କ ଅଭିନୀତ ଫିଲ୍ମ ‘ପଠାନ’ର ରେକର୍ଡ ଭାଙ୍ଗିଛି ‘ଜୱାନ୍’ । ଏହି ଫିଲ୍ମଟି ରିଲିଜ୍ ହେବାର ଦଶମ ଦିନରେ ୩୧.୫୦ କୋଟି ରୋଜଗାର କରିଥିବା ବେଳେ ‘ପଠାନ’ ରିଲିଜ୍ ହେବାର ଦଶମ ଦିନରେ ମାତ୍ର ୧୪ କୋଟି ରୋଜଗାର କରିଥିଲା।
ସୂଚନାଯୋଗ୍ୟ ଯେ, ଶାହାରୁଖ ଖାନଙ୍କ ଫିଲ୍ମ ‘ଜବାନ’ ୭ ସେପ୍ଟେମ୍ବରରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା । ରିଲିଜ୍ ହେବାର ୧୦ ଦିନ ମଧ୍ୟରେ ଏହି ଫିଲ୍ମ ବକ୍ସ ଅଫିସରେ ଅନେକ ରେକର୍ଡ ସୃଷ୍ଟି କରିଛି ଏବଂ ଅନେକ ଫିଲ୍ମର ରେକର୍ଡ ମଧ୍ୟ ଭାଙ୍ଗିଛି । ଅଟଲିଙ୍କ ନିର୍ଦ୍ଦେଶିତ ଏହି ଫିଲ୍ମରେ ବିଜୟ ସେଥୁପଥି, ନୟନତାରା ନଜର ଆସିଥିବା ବେଳେ ଏମାନଙ୍କ ସହ ପ୍ରଥମ ଥର ପାଇଂ କାମ କରିଛନ୍ତି ଶାହାରୁଖ ଖାନ ।
Comments are closed.