ମୁମ୍ବାଇ: ଆଜି ଶାହାରୁଖ ଖାନଙ୍କର ୫୮ ତମ ଜନ୍ମଦିନ । ଆଜିର ଏହି ଖାସ ଦିନରେ ଶାହାରୁଖ ତାଙ୍କ ଫ୍ୟାନ୍ସଙ୍କୁ ଦେଇଛନ୍ତି ଏକ ସୁନ୍ଦର ଉପହାର । ଏପଟେ ଶାହାରୁଖଙ୍କ ସବୁଠାରୁ ବଡ ଚଳଚ୍ଚିତ୍ର ‘ଜୱାନ୍’ ଆଜି OTT ପ୍ଲାଟଫର୍ମ ନେଟଫ୍ଲିକ୍ସରେ ମୁକ୍ତିଲାଭ କରିଥିବା ବେଳେ ଆଗାମୀ ଚଳଚ୍ଚିତ୍ର ‘ଡଙ୍କି’ର ଟିଜର ରିଲିଜ୍ ହୋଇଛି ।
ଦିନ ୧୧ଟାରେ ଫିଲ୍ମ ଡଙ୍କିର ଟିଜର ରିଲିଜ ହୋଇଛି । ଏଥର ଶାହାରୁଖ ଏକ ଭିନ୍ନ ଧାରାରେ ଚଳଚ୍ଚିତ୍ର ନିର୍ମାଣ କରୁଛନ୍ତି ଏବଂ ପରୀକ୍ଷଣ ମୋଡରେ ଅଛନ୍ତି । ଟ୍ରେଲର ବିଷୟରେ କହିବାକୁ ଗଲେ ଏଥିରେ ୫ଜଣଙ୍କ କାହାଣୀ ଦେଖାଯାଇଛି । ଟିଜର ଆରମ୍ଭରେ ଶାହାରୁଖ ଖାନଙ୍କ ଏଣ୍ଟ୍ରି ହୋଇଛି ଯେଉଁଥିରେ ସେ ମରୁଭୂମିରେ ଦୌଡୁଥିବା ନଜର ଆସିଛନ୍ତି । ତାଙ୍କ ସହିତ ଅନ୍ୟ କିଛି ଲୋକ ମଧ୍ୟ ଅଛନ୍ତି । 1 ମିନିଟ୍ 48 ସେକେଣ୍ଡର ଦମଦାର ଟିଜରରେ ୫ଜଣ ମିଶି ବିଦେଶ ଯିବା ପାଇଁ କଣ ସବୁ ସାମ୍ନା କରୁଛନ୍ତି ତାହା ସବୁ ଦେଖାଯାଇଛି । ତେବେ ସମ୍ପୂର୍ଣ୍ଣ କାହାଣୀ କଣ ତାହା ଫିଲ୍ମଟି ରିଲିଜ ହେଲେ ଜଣା ପଡିବ ।
ଟିଜରରେ ଶାହାରୁଖ ଖାନ ତାଙ୍କ ମଜାଳିଆ ଅନ୍ଦାଜରେ ଦର୍ଶକଙ୍କ ମନ ଜିଣୁଥିବାର ଦେଖିବାକୁ ମିଳୁଛି । ସେ କେତେବେଳେ ଡ୍ୟାନ୍ସ କରୁଛନ୍ତି ତ କେତେବେଳେ ମସ୍ତି କରୁଥିବାର ଦେଖିବାକୁ ମିଳୁଛି । ଏହା ସହ ଅଭିନେତାଙ୍କୁ କୁସ୍ତି କରୁଥିବାର ଦେଖିବାକୁ ମିଳୁଛି । ଏହି ଚଳଚ୍ଚିତ୍ରରେ ଶାହାରୁଖ ଖାନ ହାର୍ଡି ଭୂମିକାରେ ନଜର ଆସିବେ । ବିକି କୌଶଲ ଓ ତାପସୀ ପନ୍ନୁଙ୍କ ସମେତ ଫିଲ୍ମର ଅନ୍ୟ ଷ୍ଟାର କାଷ୍ଟଙ୍କୁ ମଧ୍ୟ ଡଙ୍କିର ଟିଜରରେ ଦେଖିବା ପାଇଁ ମିଳୁଛି ।
ଶାହାରୁଖ ଖାନଙ୍କ ଡଙ୍କି ଚଳଚ୍ଚିତ୍ର ଆସନ୍ତା ୨୧ ଡିସେମ୍ବର ୨୦୨୩ ରେ ମୁକ୍ତିଲାଭ କରିବ । ଏଥିରେ ଶାହାରୁଖଙ୍କ ସହ ତାପସୀ ପନ୍ନୁ ମଧ୍ୟ ମୁଖ୍ୟ ଭୂମିକାରେ ଅଭିନୟ କରଛନ୍ତି । ବିକି କୌଶଲ ଏବଂ ଧର୍ମେନ୍ଦ୍ର ମଧ୍ୟ ଏହି ଫିଲ୍ମରେ କେମିଓ ରୋଲରେ ନଜର ଆସିପାରନ୍ତି ବୋଲି ଆଲୋଚନା ହେଉଛି ।
Comments are closed.