ଦିଲ୍ଲୀ: ଟେଲିଭିଜନ ଦୁନିଆର ଜଣାଶୁଣା ଅଭିନେତା ଶାହିର ଶେଖଙ୍କ ପିତା ଶାହନାୱାଜ ଶେଖଙ୍କ ଦେହାନ୍ତ ହୋଇଯାଇଛି । ଶାହନାୱାଜ ଗତ କିଛି ଦିନ ଧରି କରୋନାରେ ଆକ୍ରାନ୍ତ ହୋଇ ଜୀବନ ସହ ସଂଘର୍ଷ କରୁଥିଲେ । ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା । ହେଲେ ବୁଧବାର ଶାହିର ଶେଖଙ୍କ ପିତାଙ୍କ ଦେହାନ୍ତ ହୋଇଛି । ଏନେଇ ଅଭିନେତା ଅଲି ଗୋନି ଏକ ଟ୍ୱିଟ୍ ମାଧ୍ୟମରେ ଖବର ଜଣାଇଛନ୍ତି । ଅଲି ଗୋନି ତାଙ୍କ ଟ୍ୱିଟରରେ ଲେଖିଛନ୍ତି, ଆଲ୍ଲା ଅଙ୍କଲଙ୍କ ଆତ୍ମାକୁ ଶାନ୍ତି ଦିଅନ୍ତୁ । ଶାହିର ଶେଖ ଭାଇ ଧୌର୍ଯ୍ୟ ରଖନ୍ତୁ ।
ଜାନୁଆରୀ ୧୮ରେ ଶାହିର ଶେଖ ଟ୍ୱିଟରରେ ପ୍ରଶଂସକମାନଙ୍କୁ ସୂଚନା ଦେଇଥିଲେ ଯେ, ତାଙ୍କ ପିତା କୋଭିଡ଼-୧୯ରେ ସଂକ୍ରମିତ ହୋଇ ଡ଼ାକ୍ତରଖାନାରେ ଚିକିତ୍ସିତ ହେଉଛନ୍ତି । ତାଙ୍କ ଆରୋଗ୍ୟ କାମନା ପାଇଁ ସମସ୍ତଙ୍କୁ ପ୍ରାର୍ଥନା କରିବା ପାଇଁ ନିବେଦନ କରିଥିଲେ । ଶାହିର ଶେଖଙ୍କ ପିତାଙ୍କ ଦେହାନ୍ତ ବିଷୟରେ ଅଲ୍ଲି ଗୋନି ସୂଚନା ଦେବା ପରେ ତାଙ୍କ ପ୍ରଶଂସକମାନେ ଦୁଃଖ ପ୍ରକାଶ କରିବା ସହ ତାଙ୍କ ଆତ୍ମାର ଶାନ୍ତି ପାଇଁ ପ୍ରାର୍ଥନା କରୁଛନ୍ତି । ତେବେ ଏଯାଏଁ ଶାହିର ଶେଖଙ୍କଠାରୁ କୌଣସି ସୂଚନା ଦିଆଯାଇନାହିଁ ।
Comments are closed.