ମାଆ ହେଲେ ଶାରାପୋଭା

ମସ୍କୋ: ରୁଷିଆର ମହାନ ଟେନିସ ତାରକା ତଥା ବିଶ୍ୱର ପୂର୍ବତନ ଏକ ନମ୍ବର ଖେଳାଳି ମାରିଆ ଶାରାପୋଭା ମାଆ ହେବାର ସୌଭାଗ୍ୟ ଅର୍ଜନ କରିଛନ୍ତି । ସୋସିଆଲ ମିଡିଆରେ ସେ ପ୍ରଶଂସକଙ୍କ ସହ ଏହି ଖୁସି ଖବର ଶେୟାର କରିଛନ୍ତି । ଶାରାପୋଭା ତାଙ୍କ ପୁଅର ନାମ ଥିଓଡର ରଖିଛନ୍ତି । ବ୍ରିଟେନର ବ୍ୟବସାୟର ଆଲେକଜାଣ୍ଡର ଗିଲକେସଙ୍କ ସହ ୨ ବର୍ଷ ପ୍ରେମ ସମ୍ପର୍କ ପରେ ଉଭୟ ୨୦୨୦ରେ ନିର୍ବନ୍ଧ କରିଥିଲେ । ଏପ୍ରିଲରେ ସେ ମାଆ ହେବାକୁ ଯାଉଛନ୍ତି ବୋଲି ଜଣାଇଥିଲେ । ଶାରାପୋଭା ବିଶ୍ୱର ୧୦ମ ମହିଳା ଖେଳାଳି ଭାବେ ସମସ୍ତ ଗ୍ରାଣ୍ଡସ୍ଲାମ ଟାଇଟଲ ଜିତିବା ସୌଭାଗ୍ୟ ଅର୍ଜନ କରିଛନ୍ତି । ଲଣ୍ଡନ ଅଲିମ୍ପିକ୍ସରେ ସେ ଦେଶ ପାଇଁ ରୌପ୍ୟ ପଦକ ଜିତିଥିଲେ । ୩୫ ବର୍ଷୀୟ ଏହି ରୁଷୀୟ ଖେଳାଳି ଟେନିସ କୋର୍ଟରେ ପାଦ ଦେବାପରଠାରୁ ଦକ୍ଷତା, ପ୍ରତିଭା ଓ ଗ୍ଲାମର ପାଇଁ ଚର୍ଚ୍ଚିତ ହୋଇ ପଡିଥିଲେ । ଗିଲକେସ ଓ ଶାରାପୋଭା ସେମାନଙ୍କ ସଦ୍ୟଜାତ ସନ୍ତାନ ପାଖରେ ବସି ଭାବ ପ୍ରବଣ ହୋଇ ଦେଖିବାକୁ ମିଳିଛି ।