ମୁମ୍ବାଇ: ଭାରତର ଷ୍ଟାର ଅଲରାଉଣ୍ଡର ଶିବମ ଦୁବେ ଦ୍ୱିତୀୟ ଥର ପାଇଁ ବାପା ହେବାର ସୌଭାଗ୍ୟ ଅର୍ଜନ କରିଛନ୍ତି । ଏବେ ତାଙ୍କ ପରିବାର ୩ରୁ ୪ ହୋଇଯାଇଛି । ଶିବମଙ୍କ ପତ୍ନୀ ଅଞ୍ଜୁମ ଖାଁ ଏକ କନ୍ୟା ସନ୍ତାନର ଜନନୀ ହୋଇଛନ୍ତି । ୨୦୨୨ରେ ସେ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ । ସୋସିଆଲ ମିଡିଆରେ ଶିବମ ଏ ଖୁସୀ ଖବର ପ୍ରଶଂସକଙ୍କ ସହ ଶେୟାର କରିଛନ୍ତି । ସେ ନିଜ ଝିଅର ନାମ ମେହାବିଶ ରଖିଛନ୍ତି । ଏହାର ଅର୍ଥ ଚନ୍ଦ୍ର ପରି ଶୀତଳ ଓ ସୁନ୍ଦର । ତାଙ୍କ ପୁଅଙ୍କ ନାମ ଅୟାନ । ଦୀର୍ଘ ଦିନ ଧରି ପରସ୍ପରକୁ ଭଲ ପାଇବା ପରେ ଶିବମ ଓ ଅଞ୍ଜୁମ ୨୦୨୧ରେ ବିବାହ କରିଥିଲେ ।
ଶିବମ ହିନ୍ଦୁ ଏବଂ ତାଙ୍କ ପତ୍ନୀ ମୁସଲମାନ ହୋଇଥିବାରୁ ତାଙ୍କୁ ଟ୍ରୋଲିଂ କରାଯାଇଥିଲା । ତେବେ ଏହାର ପ୍ରଭାବ ସେମାନଙ୍କ ପାରିବାରିକ ଜୀବନ ଉପରେ ପଡି ନ ଥିଲା । ୨୦୧୯ରେ ଶିବମ ଭାରତ ପକ୍ଷରୁ ଆନ୍ତର୍ଜାତୀୟ ଟି୨୦ ଓ ଦିନିକିଆରେ ପଦାର୍ପଣ କରିଥିଲେ । ସେ ଟି୨୦ ଟିମର ପ୍ରାୟତଃ ନିୟମିତ ସଦସ୍ୟ ଥିବା ବେଳେ ମାତ୍ର ୪ଟି ଦିିନିକିଆ ଖେଳିଛନ୍ତି । ୨୦୨୫ ଆଇପିଏଲ ନିଲାମରେ ଚେନ୍ନାଇ ସୁପର କିଙ୍ଗସ ତାଙ୍କୁ ୧୨ କୋଟି ଟଙ୍କାରେ ରିଟେନ କରିଛି ।
Comments are closed.