କିଭ: ରୁଷିଆ-ୟୁକ୍ରେନ ଯୁଦ୍ଧ ଆରମ୍ଭ ହୋଇଯାଇଛି । ରୁଷ ୩ ପଟୁ ୟୁକ୍ରେନକୁ ଘେରିବା ସହ ଲୁହାନ୍ସକ, ଖାରକିଭ, ଚେରନୀବ, ସୁମି ଓ ଜୋଟୋମିରରେ ଜୋରଦାର ଆକ୍ରମଣ ଜାରୀ ରଖିଛି । ନ୍ୟୁଜ ଏଜେନ୍ସି ରୟଟର୍ସ ଅନୁସାରେ ୟୁକ୍ରେନ ସେନା ଏହାର କଡା ଜବାବ ଦେବା ଆରମ୍ଭ କରିଛନ୍ତି । ଳୁହାନ୍ସକ ଅଂଚଳରେ ୟୁକ୍ରେନ ୬ ରୁଷ ବିମାନ ଓ ଏକ ହେଲିକପ୍ଟର ଖସାଇ ଦେଇଥିବା ଦାବୀ କରିଛନ୍ତି ।
ଅପରପକ୍ଷରେ ରୁଷ ଦାବୀ କରିଛି ଯେ, ବହୁତ କମ ସମୟ ମଧ୍ୟରେ ଆମେ ୟୁକ୍ରେନର ଏୟାରବେସ ଓ ଏୟାରଡିଫେନ୍ସ ନଷ୍ଟ କରିଦେବା ସହ ପୂର୍ବ ୟୁକ୍ରେନର ୨ଟି ଗ୍ରାମକୁ କବଜା କରି ନେଇଛୁ । ମାର୍ଶାଲ ଲ ଲାଗୁ କରିବା ପରେ ୟୁକ୍ରେନ ସମ୍ପୂର୍ଣ୍ଣ ଯୁଦ୍ଧ କିଭଳି ପ୍ରସ୍ତୁତ କରୁଛି ସେଥିପ୍ରତି ସମସ୍ତଙ୍କ ନଜର ରହିଛି ।
Comments are closed.