ଚଣ୍ଡୀଗଡ: ଇଣ୍ଡିଆନ ପ୍ରିମିୟର ଲିଗ ୨୦୨୫ ସଂସ୍କରଣ ପାଇଁ ପଞ୍ଜାବ କିଙ୍ଗସ ଅଧିନାୟକ ନାମ ଘୋଷଣା କରିଛି । ସୋମବାର ଶ୍ରେୟାଶ ଆୟାରଙ୍କୁ ଦଳର ଅଧିନାୟକ ଭାବେ ନିଯୁକ୍ତ କରାଯାଇଛି । ଟିଭି ଶୋ ବିଗ ବସ ମାଧ୍ୟମରେ ପଞ୍ଜାବ ଏହାର ଅଧିନାୟକଙ୍କ ନାମ ନିଆରା ଢ଼ଙ୍ଗରେ ଘୋଷଣା କରିଛି । ଏହି ଶୋରେ ସଲମାନ ଖାଁଙ୍କ ସହିତ ଶ୍ରେୟାଶ ଆୟାର, ୟୁଜଭେନ୍ଦ୍ର ଚହଲ ଓ ଶଶାଙ୍କ ସିଂ ମଧ୍ୟ ଉପସ୍ଥିତ ଥିଲେ । ସଲମାନ ନୂତନ ଅଧିନାୟକଙ୍କ ନାମ ଘୋଷଣା କରିଥିଲେ । ଶ୍ରେୟାଶ ଗତ ସଂସ୍କରଣରେ ଚାମ୍ପିୟନ କୋଲକାତା ନାଇଟ ରାଇଡର୍ସର ଅଧିନାୟକ ଦାୟିତ୍ୱ ତୁଲାଇଥିଲେ । କେକେଆର କିନ୍ତୁ ଶ୍ରେୟାଶଙ୍କୁ ରିଟେନ କରି ନ ଥିଲା ।
ଆଇପିଏଲ ମେଗା ଅକ୍ସନରେ ପଞ୍ଜାବ ୨୬.୭୫ କୋଟି ଟଙ୍କାରେ ଶ୍ରେୟାଶଙ୍କୁ ଦଳରେ ନେଇଥିଲା । ୟୁଜଭେନ୍ଦୟ ଚହଲଙ୍କୁ ୧୮କୋଟିରେ କିଣିଥିବା ବେଳେ ଶଶାଙ୍କ ସିଂଙ୍କୁ ୫.୫ କୋଟିରେ ରିଟେନ କରିଥିଲା । ପଞ୍ଜାବ କିଙ୍ଗସ ଆଜି ପର୍ଯ୍ୟନ୍ତ ଚାମ୍ପିୟନ ହୋଇପାରି ନାହିଁ । ୨୦୧୪ ଫାଇନାଲରେ ଦଳ ପ୍ରବେଶ କରିଥିଲେ ମଧ୍ୟ କେକେଆର ନିକଟରୁ ପରାଜିତ ହୋଇଥିଲା ।
ପଞ୍ଜାବ କିଙ୍ଗସ ଟିମ: ଶଶାଙ୍କ ସିଂ, ପ୍ରଭସିମରନ ସିଂ, ଅର୍ଶଦୀପ ସିଂ, ଶ୍ରେୟାଶ ଆୟାର (ଅଧିନାୟକ), ମାର୍କସ ଷ୍ଟୋଇନିସ, ଗ୍ଲେନ ମ୍ୟାକ୍ସୱେଲ, ନେହାଲ ବଢ଼େରା, ହରପ୍ରୀତ ବରାର, ବିଷ୍ଣୁ ବିନୋଦ, ବିଜୟକୁମାର ବୈଶକ, ୟଶ ଠାକୁର, ମାର୍କୋ ଜାନେସନ, ଜୋଶ ଇଂଲିଶ, ଲକି ଫର୍ଗ୍ୟୁଶନ, ଅଜମତୁଲ୍ଲା ଉମରଜାଇ, ହରନୂର ସିଂ, କୂଲଦୀପ ସେନ, ପ୍ରିୟାଂଶ ଆର୍ଯ୍ୟ, ଏରୋନ ହାର୍ଡି, ମୂଶୀର ଖାଁ, ସୂର୍ଯ୍ୟାଶ ଶେଡଗେ, ଜୋଭିୟର ୱାର୍ଟଲେଟ, ପାୟଲ ଅବିନାଶ ଓ ପ୍ରବୀଣ ଦୁବେ ।