କୋରୋନା ଟିକାରୁ ହେଉଛି ଏହି ସାଂଘାତିକ ପାର୍ଶ୍ୱ ପ୍ରତିକ୍ରିୟା, ସାମ୍ନାକୁ ଆସିଲା ଏହି ଚକିତ କରିବା ଭଳି ତଥ୍ୟ

ନୂଆଦିଲ୍ଲୀ: କୋରୋନା ମହାମାରୀ ସମଗ୍ର ବିଶ୍ୱରେ ତାଣ୍ଡବ ରଚିଥିଲା। ସମଗ୍ର ବିଶ୍ୱରୁ ପ୍ରାୟ ୭୦ ଲକ୍ଷ ଲୋକଙ୍କ ପ୍ରାଣହାନୀ ଘଟିଥିଲା। ଏହି ମହାମାରୀରୁ ରକ୍ଷା ପାଇବା ପାଇଁ ବିଭିନ୍ନ ଔଷଧ ତଥା ଟିକା ପ୍ରସ୍ତୁତକାରୀ ଅନୁଷ୍ଠାନ କୋରୋନା ଟିକା ପ୍ରସ୍ତୁତ କରିବାକୁ ଅଣ୍ଟା ଭିଡ଼ିଥିଲା। ବର୍ତ୍ତମାନ ଏହି କୋରୋନା ଟିକାର ସାଂଘାତିକ ପାର୍ଶ୍ୱପ୍ରତିକ୍ରିୟା ଦେଖିବାକୁ ମିଳିଥିଲା। ଲୋକଙ୍କ ମେରୁହାଡ଼ ଓ ଆଣ୍ଠୁ ଫୁଲି ଯାଇଥିବା ଦେଖିବାକୁ ମିଳିଛି। ଏହା ବ୍ୟତୀତ ସ୍ନାୟୁଗତ ରୋଗ ମଧ୍ୟ ଦେଖାଯାଉଛି। ଏକ ଗବେଷଣାରେ ଏହି ତଥ୍ୟ ସାମ୍ନାକୁ ଆସିଛି।

The largest COVID-19 vaccine study yet has uncovered more problems for vaccinated people.

In a groundbreaking multinational study conducted by the Global Vaccine Data Network (GVDN), researchers have shed light on the safety of COVID-19 vaccines among a cohort of 99 million…

— Laura Aboli Official (@LauraAboli_X) February 20, 2024

ବିଶ୍ୱ ଭ୍ୟାକସିନ ଡାଟା ନେଟୱର୍କର ଗବେଷଣା
ଗଣମାଧ୍ୟମ ରିପୋର୍ଟ ମୁତାବକ ବିଶ୍ୱ ଟିକା ଡାଟା ନେଟୱାର୍କ ଏହା ଉପରେ ଗବେଷଣା କରିଛି। ଏହି ଗବେଷଣାରୁ ସାମ୍ନାକୁ ଆସିଥିବା ତଥ୍ୟ ଅନୁଯାୟୀ ମସ୍ତିଷ୍କ, ରକ୍ତ ଓ ହାର୍ଟ ଉପରେ କୋରୋନା ମହାମାରୀ ଗୁରୁତର ପ୍ରଭାବ ପଡ଼ିଥିବା ଦେଖିବାକୁ ମିଳିଛି। ଏହି ଗବେଷଣାରେ ନିୟୋଜିତ ଥିବା ଗବେଷକମାନେ କହିଛନ୍ତି କି ଏହି ଟିକାର ପାର୍ଶ୍ୱ ପ୍ରତିକ୍ରିୟା ରହିଛି। ଟିକାର ହେଉଥିବା ପାର୍ଶ୍ୱପ୍ରତିକ୍ରିୟାରେ ଏନ୍ସେଫେଲୋମାଇଲାଇଟସ ଓ ଟ୍ରାସୱର୍ସ ମାୟଲାଇଟିସ ସାମିଲ ରହିଛି।

ଅଷ୍ଟ୍ରେଲିଆରେ ହୋଇଥିଲା ଗବେଷଣା
ଏହି ଅଧ୍ୟୟନ ଅଷ୍ଟ୍ରେଲିଆରେ ଗ୍ଲୋବାଲ୍ ଭ୍ୟାକ୍ସିନ୍ ଡାଟା ନେଟୱାର୍କ ଦ୍ୱାରା କରାଯାଇଥିଲା। ଏହି ଅବଧି ମଧ୍ୟରେ ୬.୮ ନିୟୁତ ଅର୍ଥାତ୍ ୬୦ ଲକ୍ଷରୁ ଅଧିକ ଲୋକ ଅନ୍ତର୍ଭୁକ୍ତ ହୋଇଥିଲେ ଯେଉଁମାନେ ଏଷ୍ଟ୍ରୋଜେନେକା ଟିକା ନେଇଥିଲେ। ଅନୁସନ୍ଧାନ ପରେ, ଏନସେଫାଲୋମିଏଲାଇଟିସ୍ ଏବଂ ଟ୍ରାନ୍ସଭର୍ସ ମାୟେଲାଇଟିସ୍ ଲୋକମାନଙ୍କ ପାର୍ଶ୍ୱ ପ୍ରତିକ୍ରିୟା ଭାବରେ ଦେଖାଯାଇଥିବା ଗବେଷଣାରେ ସାମ୍ନାକୁ ଆସିଥିଲା। ଗ୍ଲୋବାଲ୍ ଭ୍ୟାକ୍ସିନ୍ ଡାଟା ନେଟୱାର୍କର ସହ-ନିର୍ଦ୍ଦେଶକ ପ୍ରଫେସର ଜିମ୍ ବଟେରୀଙ୍କ ଅନୁଯାୟୀ, ଟିକାକରଣର ବ୍ୟାପକ ବ୍ୟବହାର ପରେ ପାର୍ଶ୍ୱ ପ୍ରତିକ୍ରିୟା ପ୍ରକାଶ ପାଇଛି। ଟିକାକରଣ ଅପେକ୍ଷା କୋଭିଡ ସଂକ୍ରମଣ ପରେ ମାୟୋକାର୍ଡାଇଟିସ୍ ଏବଂ ଅନ୍ୟାନ୍ୟ ଜଟିଳତାର ଆଶଙ୍କା ଅଧିକ ରହିଥିବା ସେ କହିଥିଲେ।