ଚଣ୍ଡୀଗଡ: ପଞ୍ଜାବୀ ଗାୟକ ସିଦ୍ଧୁ ମୁସେୱାଲ ମର୍ଡର କେସରେ ସମ୍ପୃକ୍ତ ଥିବା ୨ ଶାର୍ପ ଶୁଟର ଆଜି ପୋଲିସ ଏନକାଂଉଟରରେ ଟଳିଛନ୍ତି । ଏହି ୨ଜଣ ହେଲେ ଜଗରୂପ ରୂପା ଓ ମନପ୍ରୀତ ମନ୍ନୁ । ଭାରତ-ପାକିସ୍ତାନ ବର୍ଡରଠାର ୧୦ କିଲୋମିଟର ଦୂରରେ ଏହି ଏନକାଂଉଟର ଚାଲିଥିଲା । ଏହି ୨ ଅପରାଧୀ ପାକିସ୍ତାନକୁ ଖସି ଯିବା ପାଇଁ ଯୋଜନା କରିଥିଲେ ବୋଲି ପୋଲିସ ପକ୍ଷରୁ କୁହାଯାଇଛି । ଅପରାଧୀ ଲୁଚିଥିବା ସମ୍ପର୍କରେ ପୋଲିସକୁ ଗୁପ୍ତ ସୂଚନା ମିଳିଥିଲା ବୋଲି ଏଡିଜିପି ପ୍ରମୋଦ ବାନ କହିଛନ୍ତି । ପୋଲିସ ସେଠାରେ ପଂହଚିବା ମାତ୍ରେ ଏହି ଅପରାଧୀମାନେ ଏକେ ୪୭ରେ ଗୁଳି ଚାଳନା କରିଥିଲେ । ଏହା ପରେ ପୋଲିସ ଘେରାଉ କରି ଏନକାଂଉଟର କରିଥିଲେ । ଏଥିରେ ୩ ପୋଲିସ କର୍ମୀ ଆହତ ହୋଇଛନ୍ତି । ଅଟ୍ଟାରୀ ବିଧାୟକ ଯଶୱିନ୍ଦର ରାମଦାସ କହିଛନ୍ତି ଏନକାଂଉଟରରେ ୪ ଗ୍ୟାଙ୍ଗଷ୍ଟାର୍ସ ମରିଛନ୍ତି । ଏମାନେ ଗ୍ୟାଙ୍ଗଷ୍ଟାର୍ସ କିମ୍ବା ଆତଙ୍କବାଦୀ ତାହା ପଞ୍ଜାବ ପୋଲିସ ପକ୍ଷରୁ ବିଧିବଦ୍ଧ ଭାବେ ଘୋଷଣା କରାଯାଇ ନାହିଁ ।
Comments are closed.