ମୁମ୍ବାଇ: ସାରା ଦେଶରେ ଆଜି ଇଦ୍ । ଆଉ ଇଦ୍ ଉପଲକ୍ଷେ ଗତକାଲି ପ୍ରକ୍ଷାଳୟରେ ମୁକ୍ତିଲାଭ କରିଛି ଭାଇଜାନ ତଥା ଅଭିନେତା ସଲମାନ ଖାନଙ୍କ ‘ସିକନ୍ଦର’ । ପ୍ରଶଂସକମାନେ ଏହି ଫିଲ୍ମ ଉତ୍ସାହର ସହିତ ଅପେକ୍ଷା କରିଥିଲେ। କିନ୍ତୁ ଫିଲ୍ମଟି ପ୍ରଥମ ଦିନରେ ଯେତିକି ଆୟ କରିବ ବୋଲି ଆଶା ରଖାଯାଇଥିଲା ସେତିକି କରିପାରିନାହିଁ । ଯାହାକୁ ନେଇ ଫିଲ୍ମ ନିର୍ମାତାଙ୍କ ମନରେ ନିରାଶା ଭାବ ଦେଖିବାକୁ ମିଳିଛି । ପ୍ରଥମ ଦିନରୁ ହିଁ ‘ସିକନ୍ଦର’ ପ୍ରଶଂସକଙ୍କୁ ନିରାଶା କରିଛି କହିଲେ ଅତ୍ୟୁକ୍ତି ହେବ ନାହିଁ । ତେବେ ଫିଲ୍ମ ରିଲିଜର ପ୍ରଥମ ଦିନର ବକ୍ସ ଅଫିସ କଲେକ୍ସନ କଥା କହିବାକୁ ଗଲେ ଫିଲ୍ମଟି ସଲମାନ ଖାନଙ୍କ ଶ୍ରେଷ୍ଠ ୫ ଓପନର ଫିଲ୍ମ ଭିତରେ ମଧ୍ୟ ସ୍ଥାନ ପାଇପାରି ନାହିଁ।
ବାସ୍ତବରେ ଭାଇଜାନଙ୍କ ଫିଲ୍ମ ପାଇଁ ଇଦ୍ ସବୁବେଳେ ବହୁତ ଖାସ୍ ହୋଇଆସିଛି ଏବଂ ଯେତେବେଳେ ବି ଏହି ପର୍ବରେ ସଲମାନ ଖାନଙ୍କ ଫିଲ୍ମ ରିଲିଜ୍ ହୁଏ ତାହା ଦମଦାର ଆୟ କରେ । କିନ୍ତୁ ଏଥର ‘ସିକନ୍ଦର’ ସେହି ଯାଦୁ ଦେଖାଇପାରି ନାହିଁ । ଫିଲ୍ମର ଓପନିଙ୍ଗ ଫିଲ୍ମ ନିର୍ମାତା ମାନଙ୍କୁ ବହୁତ ନିରାସ କରିଛି। ସକନିଲ୍କର ପ୍ରାରମ୍ଭିକ ଟ୍ରେଣ୍ଡ ରିପୋର୍ଟ ଅନୁଯାୟୀ, ‘ସିକନ୍ଦର’ ରିଲିଜର ପ୍ରଥମ ଦିନରେ ୨୬ କୋଟି ଟଙ୍କା ରୋଜଗାର କରିଛି। କହିରଖୁଛୁ ଯେ, ଏହା ପ୍ରାରମ୍ଭିକ ସଂଖ୍ୟା ଏପର୍ଯ୍ୟନ୍ତ ଆନୁଷ୍ଠାନିକ ଭାବେ କୌଣଦି ତଥ୍ୟ ପ୍ରକାଶ ପାଇ ନାହିଁ । ପ୍ରକୃତ ରିପୋର୍ଟ ସାମ୍ନାକୁ ଆସିଲେ ଏଥିରେ କିଛି ପରିବର୍ତ୍ତନ ହୋଇପାରେ।
ସଲମାନ ଖାନଙ୍କ ‘ସିକନ୍ଦର’ର ଓପନିଂ ଆଶା ଅନୁଯାୟୀ ନଥିଲା ଏବଂ ଫିଲ୍ମଟି ସୁପରଷ୍ଟାରଙ୍କ ଶ୍ରେଷ୍ଠ ୫ ଓପନର ଭିତରେ ମଧ୍ୟ ସ୍ଥାନ ପାଇପାରିଲା ନାହିଁ। ଭାଇଜାନଙ୍କ ‘ଟାଇଗର ୩’ ପ୍ରଥମ ଦିନରେ ୪୩ କୋଟି ଟଙ୍କା କଲେକ୍ସନ କରିଥିଲା। କେବଳ ଭାରତରେ ହିଁ ଫିଲ୍ମଟି ୪୨.୩୦ କୋଟି ଟଙ୍କା ଆୟ କରିଥିଲା । ସେହିପରି ‘ପ୍ରେମ ରତନ ଧନ ପାୟୋ’ ପ୍ରଥମ ଦିନରେ ୪୦.୩୫ କୋଟି ଟଙ୍କା ରୋଜଗାର କରିଥିଲା। ଏଥିସହ ‘ସୁଲତାନ’ର ପ୍ରଥମ ଦିନର ଆୟ ୩୬.୫୪ କୋଟି ଟଙ୍କା ଥିଲା। ସେହିପରି ‘ଟାଇଗର ଜିନ୍ଦା ହୈ’ର ପ୍ରଥମ ଦିନର କଲେକ୍ସନ ଥିଲା ୩୪.୧୦ କୋଟି ଟଙ୍କା। ‘ଏକ ଥା ଟାଇଗର’ର ପ୍ରଥମ ଦିନର କଲେକ୍ସନ ୩୦.୬୧ କୋଟି ଟଙ୍କା ଥିଲା।
୨୦୦ କୋଟି ବଜେଟରେ ନିର୍ମିତ ଏହି ଫିଲ୍ମ ଏହାର ପ୍ରଥମ ଦିନରେ ୨୬ କୋଟି ଟଙ୍କା କଲେକ୍ସନ କରିଛି । ଏହି ଦୃଷ୍ଟିରୁ ଫିଲ୍ମଟି ତା’ର ଖର୍ଚ୍ଚର ମାତ୍ର ୧୩ ପ୍ରତିଶତ ଆଦାୟ କରିପାରିଛି। ତେବେ ଫିଲ୍ମଟି ଓପନିଙ୍ଗ ଡେରେ ଭଲ କଲେକ୍ସନ ନ କରିପାରିବାର କାରଣ ହେଉଛି ଏହା ରିଲିଜ୍ ହେବାର କିଛି ସମୟ ପରେ HD ପ୍ରିଣ୍ଟରେ ଅନଲାଇନରେ ଲିକ୍ ହୋଇଯାଇଥିଲା। ପାଇରେସିର ଶିକାର ହେବା ଯୋଗୁଁ, ଏହାର ରୋଜଗାର ବହୁତ ପ୍ରଭାବିତ ହୋଇଛି। ଏବେ ଦେଖିବାକୁ ବାକି ରହିଲା ଯେ ୩୧ ମାର୍ଚ୍ଚ ଆର୍ଥାତ୍ ଇଦ୍ ଛୁଟିରେ ଫିଲ୍ମର ଆୟ ବୃଦ୍ଧି ପାଉଛି କି ନାହିଁ।
Comments are closed.