ସିଙ୍ଗାପୁର ଷ୍ଟ୍ରେନ୍ ବିବାଦ: କେଜ୍ରିଓ୍ୱାଲଙ୍କ ମନ୍ତବ୍ୟକୁ ନେଇ ରାଗିଲା ସିଙ୍ଗାପୁର, ବୈଦେଶିକ ମନ୍ତ୍ରାଳୟର ସ୍ପଷ୍ଟୀକରଣ

ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲଙ୍କ ସିଙ୍କାପୁର ଷ୍ଟ୍ରେନ ମନ୍ତବ୍ୟକୁ ନେଇ ବିବାଦ ମୁଣ୍ଡ ଟେକିଛି । ଆପତ୍ତି ଉଠାଇଛି ସିଙ୍ଗାପୁର । ଏନେଇ ସେଠାରେ ଅବସ୍ଥାପିତ ଭାରତୀୟ ହାଇକମିଶନରଙ୍କୁ ସମନ୍ କରିଛନ୍ତି ସିଙ୍ଗାପୁର ସରକାର । ବିବାଦୀୟ ପରିସ୍ଥିତି ଭିତରେ ପ୍ରତିକ୍ରିୟା ରଖିଛି ବୈଦେଶିକ ବ୍ୟାପାର ମନ୍ତ୍ରାଳୟ । କେନ୍ଦ୍ରମନ୍ତ୍ରୀ ଏସ୍. ଜୟଶଙ୍କର କହିଛନ୍ତି, ଉଭୟ ଭାରତ ଓ ସିଙ୍ଗାପୁର କରୋନା ବିରୋଧରେ ମିଳିତ ଲଢ଼େଇ କରୁଛନ୍ତି । ଭାରତକୁ ସିଙ୍ଗାପୁର କରିଥିବା ସହଯୋଗ ନେଇ ସେ ଧନ୍ୟବାଦ ଜଣାଇବା ସହ ସ୍ପଷ୍ଟ କରିଛନ୍ତି ଯେ, ଦିଲ୍ଲୀ ମୁଖ୍ୟମନ୍ତ୍ରୀଙ୍କ ମନ୍ତବ୍ୟ ଭାରତର ନୁହେଁ ।

However, irresponsible comments from those who should know better can damage long-standing partnerships.

So, let me clarify- Delhi CM does not speak for India.

— Dr. S. Jaishankar (@DrSJaishankar) May 19, 2021

କେଜ୍ରିଓ୍ୱାଙ୍କ ମନ୍ତବ୍ୟ ଉପରେ ସିଙ୍ଗାପୁରର ଜବାବ
ସେପଟେ ସିଙ୍ଗାପୁର ସରକାର କହିଛନ୍ତି, କରୋନାର ନୂଆ ଷ୍ଟ୍ରେନ୍ ଚିହ୍ନଟ ପ୍ରସଙ୍ଗ ଉପରେ କୌଣସି ସତ୍ୟତା ନାହିଁ । ଟେଷ୍ଟିଂ ଆଦାରରେ ଜଣା ପଡ଼ିଛି ଯେ, ସିଙ୍ଗାପୁରରେ କରୋନାର B.1.617.2 ଭାରିଆଣ୍ଟ ମିଳିଛି । ଯାହା ଭାରତରୁ ଠାବ ହୋଇଥିଲା ।

There is no truth in the assertion that there is a new COVID strain in Singapore. Phylogenetic testing has shown that the B.1.617.2 variant is the prevalent strain in many of the COVID cases, including in children, in recent weeks in Singapore.https://t.co/uz0mNPNxlE https://t.co/Vyj7gyyzvJ

— Singapore in India (@SGinIndia) May 18, 2021

କ’ଣ କହିଥିଲେ କେଜ୍ରିଓ୍ୱାଲ ? 
ଗତକାଲି ସିଙ୍ଗାପୁର ଷ୍ଟ୍ରେନ୍ ଉପରେ ମନ୍ତବ୍ୟ ରଖିଥିଲେ କେଜ୍ରିଓ୍ୱାଲ୍ । ଟ୍ୱିଟ୍ କରି ସେ କହିଥିଲେ, ସିଙ୍ଗାପୁରରୁ ଆସିଥିବା କରୋନାର ନୂଆ ଷ୍ଟ୍ରେନ୍ ଶିଶୁଙ୍କ ପାଇଁ ମାରାତ୍ମକ ହୋଇପାରେ । ଭାରତରେ ଏହା ତୃତୀୟ ଲହର ରୂପରେ ଆସିପାରେ । ଏହାସହ କେନ୍ଦ୍ର ସରକାରଙ୍କୁ କେଜ୍ରିଓ୍ୱାଲ ଅପିଲ କରିଥିଲେ ସିଙ୍ଗାପୁରକୁ ତତ୍କାଳ ବିମାନ ସେବା ରଦ୍ଦ କରାଯାଉ ।

सिंगापुर में आया कोरोना का नया रूप बच्चों के लिए बेहद ख़तरनाक बताया जा रहा है, भारत में ये तीसरी लहर के रूप में आ सकता है।

केंद्र सरकार से मेरी अपील:
1. सिंगापुर के साथ हवाई सेवाएं तत्काल प्रभाव से रद्द हों
2. बच्चों के लिए भी वैक्सीन के विकल्पों पर प्राथमिकता के आधार पर काम हो

— Arvind Kejriwal (@ArvindKejriwal) May 18, 2021