ଭାରତର ୭୫ତମ ସ୍ୱାଧୀନତା ଦିବସ ସମାରୋହରେ ଯୋଗ ଦେବେ ଆଫ୍ରିକାନ-ଆମେରିକୀୟ ଗାୟିକା ମିଲବେନ

ନୂଆଦିଲ୍ଲୀ: ଲୋକପ୍ରିୟ ଆଫ୍ରିକାନ-ଆମେରିକୀୟ ଗାୟିକା ମ୍ୟାରୀ ମିଲବେନ ଭାରତର ୭୫ତମ ସ୍ୱାଧୀନତା ଦିବସ ସମାରୋହରେ ଯୋଗ ଦେବେ । ଇଣ୍ଡିଆନ କାଉନ୍ସିଲ ଫର କଲଚରାଲ ରିଲେଶନ ପକ୍ଷରୁ ଏହି ସୂଚନା ଦିଆଯାଇଛି । ମିଲେବନ ଓମ ଜୟ ଜଗଦୀଶ ଓ ଜନ ଗଣ ମନ ନିଜସ୍ୱ ଶୈଳୀରେ ଗାନ କରି ଚର୍ଚ୍ଚାକୁ ଆସିଥିଲେ । ସେ ଭାରତ ଆସିବା ପାଇଁ ବ୍ୟଗ୍ର ବୋଲି କହିଛନ୍ତି । ଆମେରିକାର ପ୍ରଥମ କଳାକାର ଭାବେ ସେ ଭାରତୀୟ ସ୍ୱାଧୀନତା ସମାରୋହରେ ଯୋଗ ଦେବେ । ଦିଲ୍ଲୀ ବ୍ୟତୀତ ଲକ୍ଷ୍ନୌ ଗସ୍ତରେ ମଧ୍ୟ ସେ ଯିବେ ବୋଲି ଜଣାପଡିଛି । ଏକ ସାଂସ୍କୃତିକ ରାଜଦୂତ ଭାବେ ମୋତେ ଆମେରିକା ପକ୍ଷରୁ ନିମନ୍ତ୍ରଣ କରାଯାଇଥିବାରୁ ଗର୍ବିତ ବୋଲି ସେ କହିଛନ୍ତି । ୧୯୫୯ରେ ମାର୍ଟିନ ଲୁଥର କିଙ୍ଗ ଜୁନିୟରଙ୍କ ପରି ମୁଁ ଭାରତୀୟବାସୀଙ୍କ ନିକଟରେ ପରିଚିତ ହେବାକୁ ଚାହୁଁଛି । ମିଲବେନ ଭାରତୀୟ ଜାତୀୟ ସଙ୍ଗୀତ ଗାନ କରି ଏହାର ଉଦଘାଟନ କରିବେ । ଭାରତରେ ଏହା ତାଙ୍କର ପ୍ରଥମ କାର୍ଯ୍ୟକ୍ରମ ହେବ ।