ବରଗଡରେ ୬ ନୂଆ କରୋନା ଆକ୍ରାନ୍ତ ଚିହ୍ନଟ; ସୂଚନା ଦେଲେ ଜିଲ୍ଲାପାଳ

ବରଗଡ଼: ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢୁଥିବା ବେଳେ ବରଗଡ ଜିଲ୍ଲାରେ ପୁଣି ୬ ନୂଆ ପଜିଟିଭ ଚିହ୍ନଟ ହୋଇଛନ୍ତି ।

ଏନେଇ ଟ୍ୱିଟ୍ ଯୋଗେ ସୂଚନା ଦେଇଛନ୍ତି ବରଗଡ ଜିଲ୍ଲାପାଳ ।

@CMO_Odisha @HFWOdisha @SRC_Odisha @IPR_Odisha
6 new +ve cases(all male persons) detected in Bargarh District.4 from Bheden and 2 from Bhatli Block. Five of them have travel history and one local case in Bhatli.The concerned areas have been declared as containment zone.

— Collector & DM,Bargarh (@DMBargarh) May 30, 2020

ପ୍ରାପ୍ତ ସୂଚନାନୁଯାୟୀ ଜିଲ୍ଲାର ଭଟଲୀରୁ ୨ ଏବଂ ଭେଦନ ବ୍ଲକରୁ ୪ ଜଣ ଚିହ୍ନଟ ହୋଇଥିବା ବେଳେ ସେମାନେ ସମସ୍ତେ ପୁରୁଷ ବୋଲି ଜଣାପଡିଛି । ଏପରିକି ସେମାନଙ୍କ ମଧ୍ୟରେ ୫ଜଣ ବାହାର ରାଜ୍ୟରୁ ଆସିଥିବା ବେଳେ ଅନ୍ୟଜଣେ ଭଟଲୀର ସ୍ଥାନୀୟ ବ୍ୟକ୍ତି ।

ଆହୁରି ମଧ୍ୟ ସମ୍ପୃକ୍ତ ଅଞ୍ଚଳକୁ କଣ୍ଟେନମେଣ୍ଟ ଜୋନ୍ ଭାବେ ଘୋଷଣା କରାଯାଇଥିବା ନେଇ ଜିଲ୍ଲାପାଳ ସୂଚନା ଦେଇଛନ୍ତି ।

ତେବେ ଗତ ମେ ୨୩ ତାରିଖରେ ବରଗଡରେ ପ୍ରଥମ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ ।