ମୁମ୍ବାଇ: ୨୦୨୪ ମସିହାରେ କିଛି ଫ୍ଲପ୍ ଫିଲ୍ମ ପରେ ଅକ୍ଷୟ କୁମାର ନୂଆ ବର୍ଷରେ କିଛି ନୂଆ ଆରମ୍ଭ କରିବାକୁ ପ୍ରସ୍ତୁତ ଅଛନ୍ତି। ତାଙ୍କର ଫିଲ୍ମ ‘ସ୍କାଏ ଫୋର୍ସ’ ଜାନୁଆରୀରେ ରିଲିଜ ହେବାକୁ ଯାଉଛି। ନିକଟରେ ନିର୍ମାତାମାନେ ଫିଲ୍ମର ଟ୍ରେଲର ରିଲିଜ କରିଛନ୍ତି। ଏହି ଚଳଚ୍ଚିତ୍ରଟି ପାକିସ୍ତାନ ଉପରେ ଭାରତର ପ୍ରତିଶୋଧ ପରାୟଣ ଆକ୍ରମଣ ଉପରେ ଆଧାରିତ। ବର୍ତ୍ତମାନ ଚଳଚ୍ଚିତ୍ର ‘ସ୍କାଏ ଫୋର୍ସ’ର ଟ୍ରେଲର ରିଲିଜ ହୋଇଛି। ଏହି ଚଳଚ୍ଚିତ୍ର ଜାନୁଆରୀ ୨୪ ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ପ୍ରସ୍ତୁତ।
ଏହି ଚଳଚ୍ଚିତ୍ରଟି ପାକିସ୍ତାନର ସର୍ଗୋଧା ଏୟାରବେସରେ ଭାରତର ପ୍ରତିଶୋଧ ପରାୟଣ ଆକ୍ରମଣ ଉପରେ ଆଧାରିତ। ୧୯୬୫ ମସିହାରେ ଭାରତୀୟ ଏବଂ ପାକିସ୍ତାନୀ ବାୟୁସେନା ମଧ୍ୟରେ ସିଧାସଳଖ ବିବାଦ ହୋଇଥିଲା। ସେପ୍ଟେମ୍ବର ୬ରେ ପାକିସ୍ତାନ ପଠାନକୋଟ ଏବଂ ହାଲୱାରା ଏୟାରବେସ ଉପରେ ଆକ୍ରମଣ କରିଥିଲା, ଏହା ପରେ ଭାରତୀୟ ବାୟୁସେନା ସର୍ଗୋଧା ଉପରେ ଆକ୍ରମଣ କରିଥିଲା। ସେତେବେଳେ ସର୍ଗୋଧା ଏସିଆର ସବୁଠାରୁ ଶକ୍ତିଶାଳୀ ଏୟାରବେସ୍ ଭାବରେ ପରିଗଣିତ ହେଉଥିଲା। ଏହା ପରେ ଭାରତୀୟ ପାଇଲଟମାନେ ପରଦିନ ଆକ୍ରମଣ କରି ପାକିସ୍ତାନର ସବୁଠାରୁ ସୁରକ୍ଷିତ ଏୟାରବେସରେ ବ୍ୟାପକ କ୍ଷତି ଘଟାଇଥିଲେ। ଏହି ଘଟଣା ଉଲ୍ଲେଖନୀୟ କାରଣ ଭାରତୀୟ ବାୟୁସେନା ଏହି ଯୁଦ୍ଧରେ ସହିଦ ହୋଇଥିବା ପାଇଲଟଙ୍କୁ ମହାବୀର ଚକ୍ରଙ୍କୁ ମୃତ୍ୟୁବରଣ କରିଥିଲା।
ତେବେ ରିଲିଜ ହୋଇଥିବା ହିନ୍ଦି ଚଳଚ୍ଚିତ୍ର ସ୍କାଏ ଫୋର୍ସ (SKY FORCE)ର ଟ୍ରେଲରରେ ଅକ୍ଷୟ କୁମାର ନଜର ଆସିଛନ୍ତି। ପାକିସ୍ତାନ ଉପରେ ଭାରତର ପ୍ରଥମ ଏୟାର ଷ୍ଟ୍ରାଇକ ଘଟଣା ପଛର କାହାଣୀ ଏହି ଚଳଚ୍ଚିତ୍ରରେ ଦେଖିବାକୁ ମିଳିବ। କିଛି ନୂଆ କାହାଣୀ ସହ ବାୟୁ ସେନାର ବୀରତ୍ୱକୁ ପ୍ରଦର୍ଶନ କରିଛି। ଯାହା ରହସ୍ୟ ଓ ରୋମାଞ୍ଚରେ ଭରି ରହିଛି। ଟ୍ରେଲରଟି ଅତ୍ୟନ୍ତ ଚମତ୍କାର ଥିବାବେଳେ ଦମ୍ଦାର ଡାଏଲଗ ମଧ୍ୟ ରହିଛି। ଏହି ଚଳଚ୍ଚିତ୍ର ସହିତ ବୀର ପହରିଆ ଡେବ୍ୟୁ କରିବାକୁ ଯାଉଛନ୍ତି। ଅକ୍ଷୟ ଓ ବୀରଙ୍କର ଖୁବ୍ ସୁନ୍ଦର କେମେଷ୍ଟ୍ରି ଦେଖିବାକୁ ମିଳିବ। ଦୁହେଁ ଫିଲ୍ମରେ ଜବରଦସ୍ତ ଆକ୍ସନ କରିଛନ୍ତି। ଯାହାକୁ ଦେଖି ଫ୍ୟାନ୍ସ ଉତ୍ସାହିତ ଅଛନ୍ତି।
ଏହି ଫିଲ୍ମରେ କିପରି ପାକିସ୍ତାନ ସେନାକୁ ଧୂଳି ଚଟାଇଥିଲେ ଭାରତର ବାୟୁସେନ, ତାହା ଏହି ଫିଲ୍ମରେ ଦେଖିବାକୁ ମିଳିବ। ଅନେକ ଏଥିରେ ଅକ୍ଷୟ କୁମାରଙ୍କ ସହ ଡେବ୍ୟୁ କରୁଛନ୍ତି ବୀର ପହରିଆ। ସେହିଭଳି ଅଭିନେତ୍ରୀ ସାରା ଅଲ୍ଲୀ ଖାନ ମଧ୍ୟ ଏଥିରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ସିନେମାଟି ଆସନ୍ତା ଜାନୁଆରୀ ୨୪ ତାରିଖରେ ରିଲିଜ୍ ହେବ।