ଗୌହାଟି: ଆସାମର ଶ୍ରୀଭୂମି ଜିଲ୍ଲାରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ଟ୍ରକ୍ ରେ ଡ୍ରଗ୍ସ ଚାଲାଣ ହେଉଥିବା ବେଳେ ଏହାକୁ ରୋକିବାକୁ ଉଦ୍ୟମ କରିଥିବା କନେଷ୍ଟବଳଙ୍କ ଉପରେ ଡ୍ରାଇଭର ଟ୍ରକ୍ ଚଢାଇଦେବା କାରଣରୁ ତାଙ୍କର ମୃତ୍ୟୁ ହୋଇଛି । ତ କନଷ୍ଟେବଳଜଣକ ହେଲେ ଉଜ୍ଜ୍ୱଳ ବୋରା ।
ଖବର ମୁତାବକ, ସନ୍ଦିଗ୍ଧ ଡ୍ରଗ୍ସ ମାଫିଆଙ୍କୁ କାବୁ କରାଯିବା ପରେ ସେ ପୁଲିସ୍ କବଳରୁ ମୁକୁଳିବାକୁ ଉଦ୍ୟମ କରିଥିଲେ । ଏହି ସମୟରେ ସାମ୍ନାରେ ଥିବା କନଷ୍ଟେବଳଙ୍କ ଉପରେ ଗାଡ଼ି ମଡ଼ାଇ ଦେଇଥିଲା ଟ୍ରକ୍ ଡ୍ରାଇଭର । ଗୁରୁତର ଅବସ୍ଥାରେ କନଷ୍ଟେବଳଙ୍କୁ ମେଡିକାଲରେ ଭର୍ତ୍ତି କରାଯାଇଥଥିଲା ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଘଟଣାସ୍ଥଳରୁ ଟ୍ରକ୍ ଡ୍ରାଇଭର ଫେରାର ହୋଇଥିବାବେଳେ ପୋଲିସ ଟ୍ରକ୍ର ପିଛା କରି ଡ୍ରାଇଭର ଓ ହେଲପରଙ୍କୁ ଧରିବାରେ ସକ୍ଷମ ହୋଇଛି । ଏଥିସହ ଟ୍ରକ୍ରୁ ୪ କୋଟିରୁ ଅଧିକ ମୂଲ୍ୟର ଡ୍ରଗ୍ସ ଜବତ କରିଛି ।