ମୁମ୍ବାଇ: ଚଳିତ ବର୍ଷ ଗୋଟେ ପରେ ଗୋଟେ ହିଟ ଚଳଚ୍ଚିତ୍ର ମୁକ୍ତିଲାଭ କରିଛି l ସେଥିମଧ୍ୟରୁ ବେଶୀ ହିଟ ଚଳଚ୍ଚିତ୍ର ଆଣିଦେଇଛି ସାଉଥ ଇଣ୍ଡଷ୍ଟ୍ରି l ଆଉ କିଛି ଦିନ ପରେ ବିଦାୟ ନେବା ବର୍ଷ 2024 l ତେବେ ଆଜି ଆମେ ଆପଣଙ୍କୁ ସେହି ସମସ୍ତ ସାଉଥ ଚଳଚ୍ଚିତ୍ର ବିଷୟରେ କହିବାକୁ ଯାଉଛୁ ଯାହା ଚଳିତବର୍ଷ ବକ୍ସ ଅଫିସରେ ହିଟ୍ ହେବା ସହ ଦମଦାର କଲେକ୍ସନ କରିଛି l ‘କଲ୍କି 2898 ଏଡି’ ରୁ ଆରମ୍ଭ କରି ‘ପୁଷ୍ପା 2’ ପର୍ଯ୍ୟନ୍ତ ଅନେକ ଚଳଚ୍ଚିତ୍ର ଚଳିତ ବର୍ଷ ମୁକ୍ତିଲାଭ କରିଛି l ଆସନ୍ତୁ ଜାଣିବା ସେହି ଚଳଚ୍ଚିତ୍ର ବିଷୟରେ…
ଡିସେମ୍ବର 5ରେ ମୁକ୍ତିଲାଭ କରିଥିଲା ଅଲୁ ଅର୍ଜୁନଙ୍କ ବହୁ ପ୍ରତିକ୍ଷୀତ ଫିଲ୍ମ ‘ପୁଷ୍ପା 2’ l ଫିଲ୍ମଟି ରିଲିଜ ହେବାର ଏକ ସପ୍ତାହ ମଧ୍ୟରେ ଘରୋଇ ବକ୍ସ ଅଫିସରେ 650 କୋଟିରୁ ଅଧିକ ବ୍ୟବସାୟ କରିସାରିଲାଣି l ତେବେ ଆଗକୁ ଚଳଚ୍ଚିତ୍ରଟି ଆହୁରି ଅଧିକ ଆୟ କରିବା ନେଇ ଆଶା କରାଯାଉଛି l
20 କୋଟିରେ ନିର୍ମିତ ସାଉଥ ଫିଲ୍ମ ‘ମଞ୍ଜୁମେଲ ବୟଜ୍’ 141.61 କୋଟି ଟଙ୍କା ରୋଜଗାର କରିଛି l ସେହିପରି 25 କୋଟିରେ ନିର୍ମିତ୍ତ ‘ଆଡୁଜିବିତ୍ତମ: ଦ ଗୋଟ ଲାଇଫ’ ଚଳଚ୍ଚିତ୍ର ମଧ୍ୟ ଚଳିତ ବର୍ଷର ବ୍ଲକବଷ୍ଟର ଫିଲ୍ମ ମଧ୍ୟରୁ ଗୋଟେ l ଏହି ଚଳଚ୍ଚିତ୍ରଟି ଭାରତରେ 85.01 କୋଟି ଟଙ୍କା ଆୟ କରିଥିଲା।ସେପଟେ ଦୁଲକର୍ ସଲମାନ୍ ଙ୍କ ଫିଲ୍ମ ‘ଅମରନ୍’ ଚଳିତବର୍ଷର ମଧ୍ୟ ଏକ ସୁପରହିଟ୍ ଫିଲ୍ମ l ଏହି ଚଳଚ୍ଚିତ୍ରଟି ବକ୍ସ ଅଫିସରେ 219.23 କୋଟି ଟଙ୍କା ଆୟ କରିଥିଲା l
ଚଳିତ ବର୍ଷର ବ୍ଲକବଷ୍ଟର ସାଉଥ ଚଳଚ୍ଚିତ୍ର ମଧ୍ୟରେ ପ୍ରଭାସଙ୍କ ‘କଲ୍କି 2898 ଏଡି’ ବର୍ତ୍ତମାନ ସବୁଠାରୁ ଆଗରେ ରହିଛି l 500 କୋଟି ଟଙ୍କା ବଜେଟରେ ନିର୍ମିତ ଏହି ଫିଲ୍ମ 646.31 କୋଟି ଟଙ୍କା ଆୟ କରିଥିଲା l ସେହିପରି ବିଜୟ ଥଲାପତିଙ୍କ ‘ଦ ଗ୍ରେଟେଷ୍ଟ ଅଫ ଅଲ ଟାଇମ’ ମଧ୍ୟ ବକ୍ସ ଅଫିସରେ ହିଟ୍ ହୋଇଥିଲା। ଏହି ଚଳଚ୍ଚିତ୍ରଟି ଭାରତରେ ମୋଟ 252.59 କୋଟି ଟଙ୍କା ଆୟ କରିଥିଲା। 40କୋଟିରେ ନିର୍ମିତ୍ତ ତେଜା ସଜାଙ୍କ ‘ହନୁମାନ’ ମଧ୍ୟ ବକ୍ସ ଅଫିସରେ ଭଲ କଲେକ୍ସନ କରିଥିଲା l ଏହି ଚଳଚ୍ଚିତ୍ରଟି ଭାରତୀୟ ବକ୍ସ ଅଫିସରେ 201.63 କୋଟି ଟଙ୍କା ରୋଜଗାର କରିଥିଲା l