ମହାକାଶ ଗବେଷଣା କ୍ଷେତ୍ରରେ ଆମେରିକାର ମହାକାଶ ଗବେଷଣା ସଂସ୍ଥା ନାସାକୁ ବଡ଼ ସଫଳତା । ଆରମ୍ଭ ହେଲା ମହାକାଶ ଟାକ୍ସି ସେବା । ଆଜି ସଫଳତାର ସହ ପ୍ରଥମ ଅପରେସନାଲ୍ ସ୍ପେସ୍ ଟାକ୍ସି ଫ୍ଲାଇଟକୁ ମହାକାଶ ଅଭିମୁଖେ ପଠାଇଛି ନାସା । ଫାଲକନ୍-9 ମହାକାଶ ଯାନ ପଠାଯାଇଛି । ଏଲନ ମସ୍କର ରକେଟ କମ୍ପାନୀ ସ୍ପେସଏକ୍ସ ସହ ମିଳିତ ଭାବରେ ପ୍ରସ୍ତୁତ କରିଥିବା ଏହି ରକେଟରେ ଚାରି ଜଣ ଯାତ୍ରୀଙ୍କୁ ଅନ୍ତରାଷ୍ଟ୍ରୀୟ ସ୍ପେସ୍ ଷ୍ଟେସନକୁ ପଠାଇଛି ନାସା ।
ଫ୍ଲୋରିଡାର ସ୍ଥିତ ନାସାର ଲଞ୍ଚ ପ୍ୟାଡ୍-39ରୁ ରକେଟ ଉତକ୍ଷେପଣ କରାଯାଇଥିଲା । ନାସାର ଏହା ହେଉଛି ପ୍ରଥମ ମିଶନ ଯେଉଁଥିରେ ବ୍ୟକ୍ତିଗତ ମହାକାଶଯାନର ସହାୟତା ସ୍ପେସ୍ ଷ୍ଟେସନକୁ ମହାକାଶଚାରୀ ପଠାଯାଇଛି । ଚାରି ମହାକାଶଚାରୀଙ୍କ ଭିତରେ ଅଛନ୍ତି ଆମେରିକାର ବାୟୁସେନା କର୍ଣ୍ଣେଲ ତଥା ମହାକାଶଚାରୀ ମାଇକ ହପକିନ୍ସ, ପଦାର୍ଥ ବିଜ୍ଞାନୀ ଶାନନ ୱାକର, ଜାପାନର ମହାକାଶଚାରୀ ସୋଚି ନୋଗୁଚି ଓ ନୌସେନା କମାଣ୍ଡର ତଥା ମହାକାଶଚାରୀ ଭିକ୍ଟର ଗ୍ଲୋଭର ।
Comments are closed.