ତେଲ ଅଭୀବ: ହମାସର ଆକ୍ରମଣ ପରେ ଇସ୍ରାଏଲ ଏବେ ଗାଜାରେ ଘନ ଘନ ଆକ୍ରମଣ ଜାରୀ ରଖିଛି । ଇସ୍ରାଏଲ ଆକ୍ରମଣରୁ ବର୍ତିବା ପାଇଁ ଏବେ ହମାସ ଆତଙ୍କବାଦୀ ଅଣ୍ଡରଗ୍ରାଉଣ୍ଡ ଟନେଲରେ ଲୁଚି ରହିଛନ୍ତି । ଏହି ସୁଡଙ୍ଗ ମଧ୍ୟରେ ପ୍ରବେଶ କରିବା ଇସ୍ରାଏଲ ସେନାଙ୍କ ପାଇଁ ବିପଦର କାରଣ ହୋଇପାରେ । ଦି ଟେଲିଗ୍ରାଫରେ ପ୍ରକାଶିତ ଏକ ରିପୋର୍ଟ ଅନୁସାରେ ଇସ୍ରାଏଲ ଏବେ ଟନେଲ ତଳେ ଲୁଚି ରହିଥିବା ହମାସ ଗୋଷ୍ଠୀଙ୍କୁ ମାରିବା ପାଇଁ ସ୍ପଞ୍ଜ ବୋମା ପ୍ରସ୍ତୁତ କରିଛି । ସୁଡଙ୍ଗର ମୁହଁ ନିକଟରେ ଏହାକୁ ବିସ୍ଫୋରଣ କରାଇଲେ ଏହାର କେମିକାଲ ପ୍ରକ୍ରିୟା ଏକ ଆସ୍ତରଣ ସୃଷ୍ଟି କରି ଏହାକୁ ବନ୍ଦ କରିଦେବ । ଯାହା ଫଳରେ ଭିତରେ ଥିବା ବ୍ୟକ୍ତି ନିକଟରୁ ପବନ ବି ଯାଇପାରିବ ନାହିଁ ।
ଏହାକୁ ନେଇ କରି ଯାଉଥିବା ସୈନ୍ୟଙ୍କୁ ମଧ୍ୟ ଆବଶ୍ୟକ ସତର୍କତା ଅବଲମ୍ବନ କରିବାକୁ ପଡିବ । ସାମାନ୍ୟ ଭୁଲ ଅନେକ କିଛି କ୍ଷତି ସୃଷ୍ଟି କରିବ ବୋଲି ଉକ୍ତ ରିପୋର୍ଟରେ ଉଲ୍ଲେଖ ରହିଛି । ଇସ୍ରାଏଲ ସେନା ଏହାର ପରୀକ୍ଷଣ ଦିର୍ଘ ଦିନ ହେବ କରୁଥିଲେ ମଧ୍ୟ ଯୁଦ୍ଧ କ୍ଷେତ୍ରରେ ବ୍ୟବହାର କରୁଛି କି ନାହିଁ ତାହା ସ୍ପଷ୍ଟ ହୋଇନି । ଏବେ କିନ୍ତୁ ଇସ୍ରାଏଲ ସେନା ବଙ୍କର ବଷ୍ଟର ବୋମାର ବ୍ୟବହାର କରୁଛନ୍ତି । ଯାହା କି ମାଟି ତଳେ ଥିବା କଂକ୍ରିଟର ଆସ୍ତରଣକୁ ବି ଧ୍ୱଂସ କରିବା କ୍ଷମତା ରଖିଛି ।
Comments are closed.