ମାଡ୍ରାସ: ଏସଏସ ରାଜମୌଲୀଙ୍କ ଆରଆରଆର ଦେଶ ବିଦେଶରେ ଧୂମ ମଚେଇବା ସହ ଚମତ୍କାର ବ୍ୟବସାୟ କରିଥିଲା । ଜୁନିୟର ଏନଟିଆର ଓ ରାମଚରଣ ଅଭିନୀତ ଏହି ଫିଲ୍ମର ସିକ୍ୱେଲ ଖୁବ ଶୀଘ୍ର ଆରମ୍ଭ ହେବାକୁ ଯାଉଛି ବୋଲି ମେକର୍ସଙ୍କ ପକ୍ଷରୁ ଘୋଷଣା କରାଯାଇଛି । ରାଜମୌଲୀ ଏବେ ଆରଆରଆରକୁ ଓସ୍କାର ଦୌଡରେ ସାମିଲ କରାଇବା ପରେ ଏହାର ପ୍ରସାର ଚଳାଇଛନ୍ତି । ଏହି ଅବସରରେ ତାଙ୍କୁ ଯେତେବେଳେ ଏହାର ସିକ୍ୱେଲ ସମ୍ପର୍କରେ ପଚରାଗଲା ସେ କହିଥିଲେ, ଖୁବ ଶୀଘ୍ର ଏହା ଆରମ୍ଭ ହେବ । ଏହାର ନେଇ ମୁଁ ବାପାଙ୍କ ସହ ଆଲୋଚନା ଆରମ୍ଭ କରିଦେଇଛି ।
ସେ ମଧ୍ୟ କାହାଣୀକୁ ନୂଆ ମୋଡ ଦେବା ଲକ୍ଷ୍ୟରେ ରହିଛନ୍ତି । ଦର୍ଶକମାନେ ରାମଚରଣ ଓ ଜୁନିୟର ଏନଟିଆରଙ୍କୁ ପୁନର୍ବାର ଏକତ୍ର ଦେଖିବାକୁ ଚାହୁଁଛନ୍ତି । ଯଦି ଫିଲ୍ମର ସିକ୍ୱେଲ ଆରମ୍ଭ ହେବ ତାହାହେଲେ ସେମାନଙ୍କ ପାଇଁ ଏହାଠାରୁ ଭଲ ଖବର ଆଉ କଣ ହୋଇପାରେ । ତେବେ ଫିଲ୍ମର ଚୂଡାନ୍ତ ରୂପରେଖ ଓସ୍କାର ପୁରସ୍କାର ପରେ ଘୋଷଣା କରାଯିବ ।
Comments are closed.