ଆଇଏସଏଲ: ଓଡିଶା ଏଫସିର ନେତୃତ୍ୱ ନେବେ ଷ୍ଟିଭେନ ଟେଲର

ଭୁବନେଶ୍ୱର: ଇଣ୍ଡିଆନ ସୁପର ଲିଗ୍ ଫୁଟବଲ (ଆଇଏସଏଲ)ର ଆଗାମୀ ସଂସ୍କରଣରେ ଓଡିଶା ଏଫସିର ନେତୃତ୍ୱ ନେବେ ଷ୍ଟିଭେନ ଟେଲର । ଶନିବାର ଆୟୋଜିତ ଦଳୀୟ ବୈଠକରେ ମୁଖ୍ୟ କୋଚ ଷ୍ଟୁଆର୍ଟ ବାକ୍ସଟର ଏ ନେଇ ସୂଚନା ଦେଇଛନ୍ତ । ନିଉ କ୍ୟାସଲ ୟୁନାଇଟେଡର ପୂର୍ବତନ ଡିଫେଣ୍ଡରଙ୍କ ଅଭିଜ୍ଞତା ଦଳକୁ ଫାଇଦାରେ ରଖିବ ବୋଲି ଆଶା କରାଯାଉଛି । ଷ୍ଟିଭେନ ତାଙ୍କୁ ପ୍ରଦାନ କରାଯାଇଥିବା ଗୁରୁ ଦାୟିତ୍ୱ ସଫଳତାର ସହ ତୁଲାଇବେ ବୋଲି କହିଛନ୍ତି । ୨୩ ନଭେମ୍ବରରେ ହାଇଦ୍ରାବାଦ ଏଫସି ବିପକ୍ଷରେ ଓଡିଶା ଏଫସି ଅଭିଯାନ ଆରମ୍ଭ କରିବ । ପ୍ରଶିକ୍ଷଣ ଶିବିରରେ ମଧ୍ୟ ଷ୍ଟିଭେନ ଯୁବ ଖେଳାଳିଙ୍କ ଗୁରୁତ୍ୱପୂର୍ଣ୍ଣ ଟିପ୍ସ ଦେଉଥିବା ଦେଖିବାକୁ ମିିଳିଥିଲା । ନିଜ ପ୍ରଦର୍ଶନ ଉପରେ ବିଶ୍ୱାସ ରଖିଲେ ସବୁ କିଛି ସମ୍ଭବ ବୋଲି ଏହି ଅଭିଜ୍ଞ ଡିଫେଣ୍ଡରଜଣଙ୍କ କହିଛନ୍ତି ।