ଭୁବନେଶ୍ୱର: ଓଡ଼ିଶା ପୋଲିସର ସ୍ପେଶାଲ ଟାସ୍କ ଫୋର୍ସକୁ ମିଳିଲା ବଡ ସଫଳତା । ବାଲେଶ୍ୱର ନୀଳଗିରିରେ ଚଢ଼ାଉ କରି ୨ କୋଟି ୭୦ ଲକ୍ଷ ଟଙ୍କାର ବ୍ରାଉନସୁଗାର ଜବତ କଲା ଏସ୍ଟିଏଫ୍ । ଏଥିସହ ଏହି ଧଳାଜହରର କାରବାରରେ ସମ୍ପୃକ୍ତ ଥିବା ଦୁଇ ଜଣଙ୍କୁ ପୋଲିସ ଗିରଫ କରିଛି ।
ସୂଚନା ମୁତାବକ, ଗତକାଲି ଖବର ପାଇ ବାଲେଶ୍ୱର ନୀଳଗିରିରେ ଏସ୍ଟିଏଫ୍ ଚଢ଼ାଉ କରିଥିଲା । ୨ ହୋଲସେଲରଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୨,୭୨୯ ଗ୍ରାମର ବ୍ରାଉନ ସୁଗାର ଜବତ ହୋଇଥିବା ପୋଲିସ ଡିଜି ସୂଚନା ଦେଇଛନ୍ତି । ତେବେ ଏହି କାରବାରରେ ଆଉ କାହାର ହାତ ରହିଛି ସେନେଇ ଖୋଲତାଡ ଚାଲିଛି ।
ଗତ ୪ବର୍ଷ ଭିତରେ ରାଜ୍ୟ ପୋଲିସ ମୋଟ ୬ କିଲୋରୁ କମ ବ୍ରାଉନସୁଗର ଜବତ କରି ଥିବା ବେଳେ, ଚଳିତ ବର୍ଷ ୩ ମାସ ମଧ୍ୟରେ ୬ କୋଟି ୭୦ ଲକ୍ଷରୁ ଅଧିକ ଟଙ୍କାର ବ୍ରାଉନସୁଗର ଏସଟିଏଫ୍ ଧରିବାରେ ସଫଳ ହୋଇଛି ବୋଲି ପୋଲିସ୍ ଡିଜି କହିଛନ୍ତି ।
