ମେଲବୋର୍ଣ୍ଣ: ବିଶ୍ୱ ଚାମ୍ପିୟନ ଅଷ୍ଟ୍ରେଲିଆ ଚଳିତ ଟି୨୦ ବିଶ୍ୱକପ କ୍ରିକେଟରେ ଶ୍ରୀଲଙ୍କାକୁ ୭ ୱିକେଟରେ ହରାଇ ସମ୍ପୂର୍ଣ୍ଣ ଷ୍ଟାଇଲରେ ବିଜୟ ଅଭିଯାନ ଆରମ୍ଭ କରିଛି । ମାର୍କସ ଷ୍ଟୋଇନସ ବିସ୍ଫୋରକ ଅର୍ଦ୍ଧଶତକ ହାସଲ କରି ଦଳର ବିଜୟରେ ମୂଖ୍ୟ ଭୂମିକା ଗ୍ରହଣ କରିଥିଲେ । ପ୍ରଥମେ ବ୍ୟାଟିଂ କରି ଶ୍ରୀଲଙ୍କା ୨୦ ଓଭରରେ ୬ ୱିକେଟ ହରାଇ ୧୫୭ ରନ କରିଥିଲା । ପଥୁମ ନିଶାଙ୍କା ୪୦ ଏବଂ ଚରିଥ ଅସଲଙ୍କା ୩୮ ରନର ଇନିଂସ ଖେଳିଥିଲେ । ମିଚେଲ ଷ୍ଟାର୍କ ଓ ଆଶଟନ ଅଗର ଗୋଟିଏ ଲେଖାଁଏ ୱିକେଟ ଅକ୍ତିଆର କରିଥିଲେ । ଜବାବରେ ଅଷ୍ଟ୍ରେଲିଆ ୧୬.୩ ଓଭରରେ ୩ ୱିକେଟ ହରାଇ ବିଜୟ ଲକ୍ଷ୍ୟ ହାସଲ କରି ନେଇଥିଲା ।
ଷ୍ଟୋଇନିସ ୧୮ ବଲରେ ଅପରାଜିତ ୫୯ ରନ କରି ଶ୍ରୀଲଙ୍କା ହାତରୁ ମ୍ୟାଚ ଛଡାଇ ନେଇଥିଲେ । ଆରୋନ ଫିଂଚ ୩୧ ରନର ଇନିଂସ ଖେଳିଥିଲେ । ଶ୍ରୀଲଙ୍କାର ଚମିକା କରୁଣାରତ୍ନେ ଓ ମହେଶ ତୀକ୍ଷଣା ଗୋଟିଏ ଲେଖାଁଏ ୱିକେଟ ନେଇଥିଲେ ।
Comments are closed.