ନୂଆଦିଲ୍ଲୀ: କୋଭିଡ-୧୯ ନିୟମ ପାଳନ ନକରିବା ଏବଂ ସପ୍ତାହାନ୍ତ କର୍ଫ୍ୟୁ ଉଲ୍ଲଂଘନ କରିଥିବାରୁ ଦିଲ୍ଲୀ ପୋଲିସ ଏକ ଦମ୍ପତିଙ୍କ ବିରୋଧରେ ଏଫଆଇଆର ଦାଖଲ କରିଛି। ପଙ୍କଜ ଦତ୍ତା ଏବଂ ଆଭା ନାମକ ଏହି ଦମ୍ପତିଙ୍କ ମାସ୍କ ନ ପିନ୍ଧି କାର ଚଳାଉଥିଲେ। ପୋଲିସ ସେମାନଙ୍କୁ ଅଟକାଇବାରୁ ସେମାନେ ପୋଲିସ କର୍ମଚାରୀଙ୍କ ସହ ଦୁର୍ବ୍ୟବହାର ତଥା ଅସଦାଚରଣ କରିଥିଲେ। ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି।
ଭିଡିଓରେ ମହିଳା ଜଣକ ପୋଲିସ କର୍ମଚାରୀଙ୍କୁ “ଭିକାରୀ” ବୋଲି କହୁଥିବାର ମଧ୍ୟ ଶୁଣିବାକୁ ମିଳୁଛି।
ରବିବାର ସନ୍ଧ୍ୟାରେ ଦିଲ୍ଲୀର ଦରୟାଗଞ୍ଜ ଅଞ୍ଚଳରେ ଏହି ଘଟଣା ଘଟିଛି। କର୍ଫ୍ୟୁ ସମୟରେ କେବଳ ଜରୁରୀକାଳୀନ ସେବା ଏବଂ ଇ-ପାସ୍ ଥିବା ଲୋକଙ୍କୁ ବାହାରକୁ ଯିବାକୁ ଅନୁମତି ଦିଆଯାଇଥିଲା। ବ୍ୟସ୍ତ ବହୁଳ ରାସ୍ତାରେ କାର ଚଳାଚଳ ଅବରୋଧ ଜାରି ରଖିଥିବା ବେଳେ ଏହି ଦମ୍ପତି ଅନେକ ସମୟ ଧରି ପୋଲିସ କର୍ମଚାରୀଙ୍କ ଯୁକ୍ତିତର୍କ କରିଥିଲେ।
ଏହି ଦମ୍ପତିଙ୍କ ପାଖରେ କର୍ଫ୍ୟୁ ପାସ୍ କିମ୍ବା ଫେସ୍ ମାସ୍କ ବି ନଥିଲା। ମହିଳା ଜଣକ ପୋଲିସକୁ ଦୁର୍ବ୍ୟବହାର କରି ସେମାନଙ୍କୁ କହିଥିଲେ ଯେ କରୋନାଭାଇରସ୍ ଭଳି କୌଣସି ଜିନିଷ ନାହିଁ ଏବଂ ବିନା କାରଣରେ ଲୋକଙ୍କୁ ହଇରାଣ କରାଯାଉଛି। ଦେଖନ୍ତୁ ଭିଡିଓ;
#WATCH | A couple misbehaved with Delhi Police personnel in Daryaganj area earlier today after they were stopped & asked the reason for not wearing face masks.
"An FIR under various sections of IPC has been lodged against them," say police.
(Video source – Delhi Police) pic.twitter.com/hv1rMln3CU
— ANI (@ANI) April 18, 2021