ମୁମ୍ବାଇ: ଅଗଷ୍ଟ ୧୫ ତାରିଖରେ ରିଲିଜ ହୋଇଛି ତିନୋଟି ବଡ଼ ବଡ଼ ଫିଲ୍ମ। ବକ୍ସ ଅଫିସରେ ଚଳଚ୍ଚିତ୍ର ‘ସ୍ତ୍ରୀ 2’, ‘ଖେଲ ଖେଲ ମେଁ’ ଏବଂ ‘ବେଦା’ ମଧ୍ୟରେ ବଡ଼ ଟକ୍କର ଦେଖିବାକୁ ମିଳିଛି । ଏହି ତିନୋଟି ଚଳଚ୍ଚିତ୍ରର କାହାଣୀ ଭିନ୍ନ ରହିଥିବା ବେଳେ ଦର୍ଶକଙ୍କ ମନ ଜିତିବାରେ ସଫଳ ହୋଇଛି ଶ୍ରଦ୍ଧା କପୁରଙ୍କ ଫିଲ୍ମ ‘ସ୍ତ୍ରୀ ୨’। ସେହିପରି ଜନ ଆବ୍ରାହମଙ୍କ ଫିଲ୍ମ ‘ବେଦା’ ଓ ଅକ୍ଷୟ କୁମାରଙ୍କ ‘ଖେଲ ଖେଲ ମେଁ’ ପ୍ରଥମ ଦିନରେ ଭଲ ପ୍ରଦର୍ଶନ କରିଛି। କିନ୍ତୁ ‘ସ୍ତ୍ରୀ ୨’ରୁ ପଛରେ ରହିଛି ଏହି ଦୁଇଟି ଫିଲ୍ମ। ଜନ-ଅକ୍ଷୟଙ୍କୁ ପଛରେ ପକାଇଛନ୍ତି ଶ୍ରଦ୍ଧା।
ବକ୍ସ ଅଫିସରେ ଏହି ଫିଲ୍ମର କଡା ଟକ୍କର ଦେଖିବାକୁ ମିଳିଥିବା ବେଳେ ପ୍ରଥମ ଦିନରେ ଦର୍ଶକଙ୍କ ମନ ଜିତିବାରେ କେଉଁ ଫିଲ୍ମ ସଫଳ ହୋଇଛି ଏବଂ କେତେ ରୋଜଗାର କରିଛି ଆସନ୍ତୁ ଜାଣିବା…
ପ୍ରଥମ ଦିନରେ ‘ସ୍ତ୍ରୀ ୨’ ୪୬ କୋଟି ଟଙ୍କା ଆୟ କରିଛି। ଅମର କୌଶିକଙ୍କ ନିର୍ଦ୍ଦେଶନାରେ ନିର୍ମିତ ‘ସ୍ତ୍ରୀ ୨’, ‘ସ୍ତ୍ରୀ’ ର ସିକ୍ୱେଲ ଅଟେ । ଏଥିରେ ମଧ୍ୟ ପ୍ରଥମ ଭାଗ ପରି ଶ୍ରଦ୍ଧା କପୁର ଏବଂ ରାଜକୁମାର ରାଓ ନଜର ଆସିଛନ୍ତି । ଟ୍ରେଲର ରିଲିଜ ହେବା ଦିନ ଠାରୁ ଦର୍ଶକଙ୍କୁ ଆକୃଷ୍ଟ କରିଥିଲା । ତେବେ ବର୍ତ୍ତମାନ ଫିଲ୍ମ ରିଲିଜ ହେବା ପରେ ଦର୍ଶକ ଏହାକୁ ବେଶ ପସନ୍ଦ କରିଛନ୍ତି । ତେବେ ‘ସ୍ତ୍ରୀ ୨’ର ମୋଟ ୫୪.୩୫ କୋଟିରେ ପହଞ୍ଚିଛି । ପ୍ରଥମ ଦିନରେ ଫିଲ୍ମ ୫୦ କୋଟିରୁ ଅଧିକ ଆୟ କରି ଏକ ନୂଆ ରେକର୍ଡ ନିଜ ନାଁରେ କରିଛି।
‘ବେଦା’ ରିଲିଜ୍ ହେବାର ପ୍ରଥମ ଦିନରେ ସମସ୍ତ ଭାଷାରେ ୬.୫୨ କୋଟି ଟଙ୍କା ସଂଗ୍ରହ କରିଛି । ନିଖିଲ ଆଡଭାନୀଙ୍କ ନିର୍ଦ୍ଦେଶିତ ତଥା ଜନ ଆବ୍ରାହମ ଏବଂ ଶାରଭରୀ ୱାଗଙ୍କ ଅଭିନୀତ ‘ବେଦା’ ମଧ୍ୟ ସ୍ୱାଧୀନତା ଦିବସ ଅବସରରେ ଅଗଷ୍ଟ ୧୫ ରେ ମୁକ୍ତିଲାଭ କରିଥିଲା। ଏହି ଆକ୍ସନ୍ ପ୍ୟାକ୍ ହୋଇଥିବା ଚଳଚ୍ଚିତ୍ରକୁ ବହୁ ପ୍ରଶଂସା କରାଯାଉଛି, ଯଦିଓ ଏହା ରୋଜଗାର ଦୃଷ୍ଟିରୁ ‘ସ୍ତ୍ରୀ ୨’ ଠାରୁ ବହୁ ପଛରେ ଅଛି ।
‘ଖେଲ ଖେଲ ମେନ୍’ ରିଲିଜ୍ ହେବାର ପ୍ରଥମ ଦିନରେ ୫ କୋଟି ଟଙ୍କା ଆୟ କରିଛି। ଅକ୍ଷୟ କୁମାର, ତାପସୀ ପନ୍ନୁ, ଆମି ଭାର୍କ ଏବଂ ଫରଦ୍ଦିନ ଖାନଙ୍କ ଅଭିନୀତ ଏହି ଚଳଚ୍ଚିତ୍ରକୁ ମଧ୍ୟ ବହୁତ ପ୍ରଶଂସା କରାଯାଉଛି । ଅକ୍ଷୟ କୁମାର ମଧ୍ୟ ଦୀର୍ଘ ସମୟ ପରେ କମେଡିି ଫିଲ୍ମ ସହ ନଜର ଆସିଛନ୍ତି । ତେବେ ‘ସ୍ତ୍ରୀ ୨’ ଏବଂ ‘ବେଦା’ ରିଲିଜ ଦ୍ୱାରା ଏହି ଚଳଚ୍ଚିତ୍ରର ରୋଜଗାର ପ୍ରଭାବିତ ହୋଇଛି ।
Comments are closed.