ଭୁବନେଶ୍ୱର: ଶୁକ୍ରବାର ଦିନ ଭୁବନେଶ୍ୱର ବିଜେବି ସ୍ୱୟଂଶାସିତ ମହାବିଦ୍ୟାଳୟରେ ଦୁଇ ଛାତ୍ର ଗୋଷ୍ଠୀ ମଧ୍ୟରେ ହିଂସାତ୍ମକ ସଙ୍ଘର୍ଷ ହୋଇଥିଲା, ଯେଉଁଥିରେ ତିନି ଜଣ ଯୁକ୍ତ-3 ଛାତ୍ର ଆହତ ହୋଇଛନ୍ତି। କଲେଜ ପରିସରରେ ହୋଇଥିବା ବଚସାରୁ ଏହି ଗଣ୍ଡଗୋଳ ସୃଷ୍ଟି ହୋଇଥିବା କୁହାଯାଉଛି, ଯାହା ଉତ୍ତେଜନାକୁ ବୃଦ୍ଧି କରିଥିଲା।
ସୂତ୍ରରୁ ପ୍ରକାଶ ଯେ ଘଟଣାଟି ସେତେବେଳେ ଆରମ୍ଭ ହୋଇଥିଲା ଯେତେବେଳେ କିଛି ଛାତ୍ର ପୂର୍ବ ଦିନ ଅନ୍ୟ ଗୋଷ୍ଠୀର ସଦସ୍ୟଙ୍କ ଦ୍ୱାରା ଆପତ୍ତିଜନକ ମନ୍ତବ୍ୟ ବିଷୟରେ କଲେଜ ଅଧ୍ୟକ୍ଷଙ୍କ ନିକଟରେ ଅଭିଯୋଗ କରିଥିଲେ। ଏଥିରେ ଉତ୍ତ୍ୟକ୍ତ ହୋଇ ଅଭିଯୋଗର ଶିକାର ହୋଇଥିବା ଛାତ୍ରମାନେ ଅଭିଯୋଗକାରୀଙ୍କୁ ଆକ୍ରମଣ କରିବାରୁ ସେମାନେ ଆହତ ହୋଇଛନ୍ତି।
ଉଭୟ ଗୋଷ୍ଠୀ ପକ୍ଷରୁ ବଡଗଡ ଥାନାରେ ପୃଥକ ପୃଥକ ଏତଲା ଦିଆଯାଇଥିବା ବେଳେ ପ୍ରଶାସନ ପକ୍ଷରୁ ପୁଙ୍ଖାନୁପୁଙ୍ଖ ତଦନ୍ତ ଆରମ୍ଭ ହୋଇଛି। ଏହି ଗଣ୍ଡଗୋଳ ପାଇଁ ଯେଉଁମାନେ ଦାୟୀ ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାୟିବ ବୋଲି ଜଣେ ବରିଷ୍ଠ ପୁଲିସ ଅଧିକାରୀ ପ୍ରତିଶ୍ରୁତି ଦେଇଛନ୍ତି।
ଉଲ୍ଲେଖଯୋଗ୍ଯ, କେତେବେଳେ ରାଗିଂ ତ ଆଉ କେତେବେଳେ ଗଣ୍ଡଗୋଳ ପାଇଁ ଚର୍ଚ୍ଚାରେ ରହୁଥିବା ଏହି କଲଜରେ ଦିନକୁ ଦିନ ହିଂସା ଓ ଗଣ୍ଡଗୋଳ ଘଟଣା ବୃଦ୍ଧି ପାଇବା କଲେଜର ମାନ ଓ ପ୍ରଶାସିନକ ବ୍ୟବସ୍ଥା ଉପରେ ପ୍ରଶ୍ନ ଉଠାଇଛି।