ପୁରୀ: ବିଜ୍ଞାନ ମେଳାକୁ ଆସି ସ୍କୁଲ ଛାତ୍ର ଦୟାନଦୀରେ ହଣ୍ଡା ମାଜିବା ଘଟଣା। କଣାସ ବ୍ଲକ ବେଣାଗାଁ ଦୁର୍ଗାଦେବୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ବିଜୟ କୁମାର ଜେନାଙ୍କୁ କାରଣ ଦର୍ଶାଅ ନୋଟିସ୍ ଜାରି। ନୋଟିସ ଜାରି କଲେ ମାଧ୍ୟମିକ ଶିକ୍ଷା ନିର୍ଦ୍ଦେଶକ ସୁଶାନ୍ତ ଦାସ। ଦୁଇଦିନ ମଧ୍ୟରେ ସନ୍ତୋଷଜନକ ଉତ୍ତର ନ ରଖିଲେ ହେବ କାର୍ଯ୍ୟାନୁଷ୍ଠାନ।
ଦିନରେ ଭୋଜି କରି ରାତିରେ ବାସନ ମଜା କରାଇଥିଲେ ସାର୍ । କଣାସ ବ୍ଲକ ଦୁର୍ଗାଦେବୀ ଉଚ୍ଚ ବିଦ୍ୟାଳୟରେ ଜିଲ୍ଲାସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଥିଲା । ଏହି ଅବସରରେ ୫ଶହ ଲୋକଙ୍କ ଭୋଜିର ଆୟୋଜନ କରାଯାଇଥିଲା । ଦିନରେ ବିଜ୍ଞାନ ମେଳା ଓ ଭୋଜି ସରିବା ପରେ ଅନ୍ୟ ବିଦ୍ୟାଳୟରୁ ଆସିଥିବା ଛାତ୍ରଛାତ୍ରୀ, ଶିକ୍ଷକ-ଶିକ୍ଷୟିତ୍ରୀ ଚାଲିଯାଇଥିଲେ । ସବୁ କାମ ସରୁ ସରୁ ରାତି ହୋଇଯାଇଥିଲା । ଏହାପରେ ପିଲାଙ୍କୁ ନେଇ ବାସନ ମଜା କାମ ଆରମ୍ଭ କରିଥିଲେ ଶିକ୍ଷକ । ସାର୍ ଉପରେ ଥାଇ ମୋବାଇଲ୍ ଲାଇଟ୍ ଦେଖାଉଥିଲେ, ଆଉ ପ୍ରାୟ ୧୦ଜଣ ଛାତ୍ର ନଦୀକୂଳରେ ହଣ୍ଡା ମଜାମଜି କରିଥିବା ଖବର ପ୍ରକାଶ ପାଇଥିଲା ।
Comments are closed.