ନୂଆଦିଲ୍ଲୀ: ଭାରତର ଷ୍ଟାର ଟେନିସ ଖେଳାଳି ସୁମିତ ନାଗଲ ଓ ଶଶିକୁମାର ମୁକୁନ୍ଦ ଡେଭିସ କପ ଖେଳିବା ପାଇଁ ପାକିସ୍ତାନ ଯିବାକୁ ମନା କରି ଦେଇଛନ୍ତି । ସେମାନେ ବିଶ୍ୱ ଗ୍ରୁପ ପ୍ଲେ ଅଫ ମୁକାବିଲା ପାଇଁ ଉପଲବ୍ଧ ହେବେ ନାହିଁ ବୋଲି କହିଥିଲେ । ଏଥିପାଇଁ ସେମାନେ ଅବଶ୍ୟ କୌଣସି କାରଣ ଉଲ୍ଲେଖ କରି ନାହାନ୍ତି । ରାଷ୍ଟ୍ରୀୟ ସଂଘ ଖେଳାଳିମାନଙ୍କ ମନୋବୃତି ନେଇ ଆଗାମୀ କାର୍ଯ୍ୟକାରିଣୀ ବୈଠକରେ ଆଲୋଚନା ହେବ । ରିପୋର୍ଟ ମୁତାବକ ଗ୍ରାସ କୋର୍ଟରେ ମ୍ୟାଚ ହେବାକୁ ଥିବାରୁ ସୁମିତ ଖେଳିବା ପାଇଁ ରାଜି ହୋଇ ନାହାନ୍ତି । ଅପରପକ୍ଷରେ ମୁକୁନ୍ଦ ବ୍ୟକ୍ତିଗତ କାରଣ ଦର୍ଶାଇ ଏଥିରୁ ଓହରି ଯାଇଛନ୍ତି । ଏହି ମୁକାବିଲାରେ ବିଜୟ ହାସଲ କରିଥିବା ଟିମ ୨୦୨୪ ବିଶ୍ୱ ଗ୍ରୁପରେ ରହିବେ ।
ରୋହନ ବୋପାନ୍ନା ଅବସର ନେଇଯାଇଥିବା ବେଳେ ସୁମିତଙ୍କ ଅନୁପସ୍ଥିତିରେ ଭାରତକୁ ଅସୁବିଧାରେ ପକାଇପାରେ ବୋଲି ଅନୁମାନ କରାଯାଉଛି । ଏଆଇଟିଏ ମୂଖ୍ୟ ଅନୀଲ ଧୂପର ସ୍ପଷ୍ଟ ଭାବେ କହିଛନ୍ତି ଯେ, ଭାରତ ପକ୍ଷରୁ ଖେଳିବା ବେଳେ ଖେଳାଳିମାନେ ଅନେକ କାରଣ ଦର୍ଶାଉଛନ୍ତି । ଅପରପକ୍ଷରେ ପ୍ରଫେଶନାଲ ମୁକାବିଲା ପାଇଁ କମ ପଛଘୁଂଚା ଦେଉଛନ୍ତି ।
Comments are closed.