ନୂଆଦିଲ୍ଲୀ: ତୃତୀୟ ମହାକାଶ ମିଶନ ପାଇଁ ପ୍ରସ୍ତୁତ ହେଉଛନ୍ତି ନାସାର ମହାକାଶଚାରୀ ସୁନୀତା ୱିଲିୟମ୍ସ । ସୁନୀତା ୱିଲିୟମ୍ସ ନାସାର ବୋଇଙ୍ଗ କ୍ରୁ ଫ୍ଲାଇଟ୍ ଟେଷ୍ଟରେ ଅନ୍ତର୍ଜାତୀୟ ସ୍ପେସ୍ ଷ୍ଟେସନରେ ଯୋଗଦେବେ । ଅନ୍ତର୍ଜାତୀୟ ମହାକାଶ କେନ୍ଦ୍ରକୁ ସୁନୀତାଙ୍କର ଏହା ତୃତୀୟ ମିଶନ । କେପ୍ କାନାଭରାଲ ସ୍ପେସ୍ ଲଞ୍ଚ୍ କମ୍ପ୍ଲେକ୍ସ -୪୧ରୁ ମିଶନ ଲଞ୍ଚ୍ ଲାଗି ଆସନ୍ତା ମେ’ ୬ ତାରିଖ ଧାର୍ଯ୍ୟ ହୋଇଛି । ବୁଚ୍ ୱିଲମୋର ବୋଇଂର ଷ୍ଟାର୍ଲାଇନ୍ ଷ୍ଟାର୍ଲାଇନର ମହାକାଶଯାନରେ ସୁନୀତା ଓ ନାସା ମହାକାଶଚାରୀ ମହାକାଶ କେନ୍ଦ୍ରକୁ ଯିବେ ଯେଉଁଠି ସେମାନେ ଗୋଟିଏ ସପ୍ତାହ ରହିବେ । ୟୁନାଇଟେଡ୍ ଲଞ୍ଚ୍ ଆଟ୍ଲାସ ଭି ରକେଟ୍ ଏହି ମହାକାଶଯାନର ଉତ୍କ୍ଷେପଣ ହେବ । ଏହି ମିଶନ ଷ୍ଟାର୍ଲାଇନର୍ ସିଷ୍ଟମ ଉତ୍କ୍ଷେପଣ, ମହାକାଶଚାରୀଙ୍କୁ ପହଞ୍ଚାଇବା ଏବଂ ପୃଥିବୀକୁ ଫେରିବାର ସାମର୍ଥ୍ୟକୁ ଟିକିନିକି କରି ପରୀକ୍ଷା କରିବ । ଡିସେମ୍ବର ୨୦୦୬ ରୁ ଜୁନ୍ ୨୦୦୭ ପର୍ଯ୍ୟନ୍ତ ଏକ୍ସପେଡିସନ୍ ୧୪/୧୫ ଜରିଆରେ ୱିଲିୟମ୍ସ ଫ୍ଲାଇଟ୍ ଇଞ୍ଜିନିୟର ଭାବରେ କାର୍ଯ୍ୟ କରିଥିଲେ। ସୁନୀତା ୨୦୦୬ ଡିସେମ୍ବର ୯ ତାରିଖରେ ପ୍ରଥମ ଥର ପାଇଁ ମହାକାଶ ଯାତ୍ରା କରିଥିଲେ ।
ଇଣ୍ଟରନ୍ୟାସନାଲ ସ୍ପେସ୍ ସେଣ୍ଟର ରେ ମାସରୁ ଅଧିକ କାଳ ଅବସ୍ଥାନ କରିଥିଲେ। ସେହି ସମୟରେ ସେ ଚାରିଥର ଆଇଏସଏସରୁ ବାହାରି ମହାକାଶରେ ପଦଯାତ୍ରା କରିଥିଲେ। ଦ୍ବିତୀୟବାର ୨୦୧୨ ଜୁଲାଇ ୧୫ରେ ସୁନିତା କାଜାଖ୍ସ୍ତାନର ବୈକାନୁର କସ୍ମୋଡ୍ରମରୁ ସୋୟୁଜ-୦୫ଏମ ରକେଟ ଜରିଆରେ ମହାକାଶ ଯାତ୍ରା କରିଥିଲେ।ତେବେ ଆସନ୍ତା ମେ’ ୬ ତାରିଖ ରେ ସୁନିତା ବୋଇଙ୍ଗ୍ କମ୍ପାନୀର ଷ୍ଟାରଲାଇନର ମହାକାଶ ଯାନରେ ଯାତ୍ରା କରିବେ ବୋଲି ନାସା ପକ୍ଷରୁ ସୂଚନା ରହିଛି।