ହାଇଦ୍ରାବାଦ: ସାଉଥ୍ ସୁପରଷ୍ଟାର ରଜନୀକାନ୍ତ । ଆଜି ଏହି ମେଗା ଷ୍ଟାରଙ୍କ ଜନ୍ମଦିନ । ୭୪ ବର୍ଷ ବୟସରେ ପାଦ ଥାପିଛନ୍ତି ସାଉଥ୍ ସୁପରଷ୍ଟାର ରଜନୀକାନ୍ତ। ଯାହାକୁ ଏକ ଫେଷ୍ଟିଭାଲ ରୂପରେ ଦକ୍ଷିଣ ଭାରତରେ ସେଲିବ୍ରେଟ୍ କରାଯାଉଛି । ହେଲେ ଫିଲ୍ମ ଜଗତର ଯେଉଁ ସୋପାନରେ ଆଜି ସେ ପହଞ୍ଚିଛନ୍ତି ସେଠାରେ ପହଞ୍ଚିବା ରଜନୀକାନ୍ତଙ୍କ ପାଇଁ ଏତେ ସହଜ ନଥିଲା। ଘରର ଆର୍ଥିକ ଆବଶ୍ୟକତା ପୂରଣ କରିବା ପାଇଁ ସେ କୁଲି ଠାରୁ ଆରମ୍ଭ କରି କାରପେଣ୍ଟର ଭଳି କାମ ମଧ୍ୟ କରିଛନ୍ତି।
ମରାଠା ଯୋଦ୍ଧା ଶିବାଜୀ ମହାରାଜଙ୍କ ନାମାନୁସାରେ ତାଙ୍କ ନାମ ଶିବାଜୀ ରାଓ ଗାଇକୱାଡ ରଖାଯାଇଥିଲା। ସେ ହେଉଛନ୍ତି ଜିଜାବାଇ ଏବଂ ରାମୋଜିରାଓଙ୍କର ଚତୁର୍ଥ ସନ୍ତାନ। ତାଙ୍କ ପିତା ଜଣେ ପୋଲିସ କନଷ୍ଟେବଳ ଥିଲେ। ଛୋଟ ବେଳରେ ସେନିଜ ମାଙ୍କୁ ହରାଇଥିଲେ। ଆଉ ଘରର ଆର୍ଥିକ ଅବସ୍ଥା ସ୍ବଚ୍ଛଳ କରିବା ଲାଗି ସେ ଖୁବ୍ କମ୍ ବୟସରୁ ନିଜେ କାମ କରିବାକୁ ସ୍ଥିର କରିଥିଲେ।
ରଜନୀକାନ୍ତ ୧୨ ଡିସେମ୍ବର ୧୯୫୦ରେ ମରାଠୀ ପରିବାରରେ ଜନ୍ମଗ୍ରହଣ କରିଥିଲେ ଏହା ପରେ ସେ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇଛନ୍ତି। ଆଜି ବି ରଜନୀ ଚଳଚ୍ଚିତ୍ରଠାରୁ ଆରମ୍ଭ କରି ରାଜନୀତି ପର୍ଯ୍ୟନ୍ତ ସମ୍ପୂର୍ଣ୍ଣ ସକ୍ରିୟ ଅଛନ୍ତି। ଆଜିର ସୁପରଷ୍ଟାର ରଜନୀକାନ୍ତଙ୍କ ଚଳଚ୍ଚିତ୍ରରେ ପ୍ରବେଶ କରିବା ସେତେ ସହଜ ନଥିଲା। ସେ କିନ୍ତୁ ଆରମ୍ଭରୁ ହିରୋ ହେବାର ସ୍ୱପ୍ନ ଦେଖୁଥିଲେ। ଘରର ଗରିବୀ ତାଙ୍କୁ ପ୍ରଥମେ କୁଲି ଆଉ ପରେ କଣ୍ଡକ୍ଟର କରିଥିଲା। ଏହା ସହିତ ମଧ୍ୟ ସେ ଅଭିନୟ ଛାଡି ନ ଥିଲେ। ସ୍ୱପ୍ନକୁ କିନ୍ତୁ ପୂରଣ କରିବାର ନିଶା ତାଙ୍କୁ ସିନେମା ଆଡକୁ ଟାଣି ନେଇଥିଲା। ଅଧିକ ଶିଖିବା ନେଇ ରଜନୀକାନ୍ତ ମାଡ୍ରାସ୍ ଫିଲ୍ମ ଇନ୍ଷ୍ଟିଟ୍ୟୁଟ୍ରେ ଅଭିନୟକୁ ବିଷୟବସ୍ତୁ ଭାବେ ନେଇ ମଧ୍ୟ ପାଠ ପଢିଲେ।
ଏ ଦିଗରେ ତାଙ୍କ ଘର ଲୋକେ ରାଜି ନ ଥିଲେ ମଧ୍ୟ ତାଙ୍କ ସାଙ୍ଗ ରାଜ ବାହାଦୂର ହିଁ ପ୍ରେରଣା ଦେଇଥିଲେ। ଏପରିକି ସେ ତାଙ୍କୁ ଆର୍ଥିକ ସହଯୋଗ ମଧ୍ୟ କରିଥିଲେ। ସେ କେବେ ବି ତାଙ୍କ ସ୍ୱପ୍ନକୁ ମରିବାକୁ ଦେଇ ନ ଥିଲେ।ଏହି ସମୟରେ ସେ ତାମିଲ୍ ଫିଲ୍ମ ନିର୍ଦ୍ଦେଶକ କେ. ବାଲାଚନ୍ଦରଙ୍କ ସଂସ୍ପର୍ଶରେ ଆସିଥିଲେ ଏବଂ ବଡ ପରଦାରେ କାମ କରିବାର ସୁଯୋଗ ପାଇଥିଲେ। ୧୯୭୫ରେ ରିଲିଜ୍ ହୋଇଥିବା ‘ଅପୂର୍ବା ରାଗନଗାଲ୍’ରେ ରଜନୀକାନ୍ତଙ୍କୁ ପ୍ରଥମ ବ୍ରେକ୍ ମିଲିଥିଲା। ସେବେଠାରୁ ସେ ଆଉ ପଛକୁ ଚାହିଁ ନାହାନ୍ତି।ତାଙ୍କର ନିଷ୍ଠା ଓ କର୍ତ୍ତବ୍ୟପରାୟଣ ଭାବ ଓ ଅଭିନୟ କ୍ଷେତ୍ରରେ ତାଙ୍କ ଅବଦାନ ପାଇଁ ୨୦୨୧ ମସିହାରେ ତାଙ୍କୁ ସମ୍ମାନଜନକ ଦାଦା ସାହେବ ଫାଲ୍କେ ପୁରସ୍କାର ମିଳିଥିଲା।
Comments are closed.