ମୁମ୍ବାଇ: ଜୁନ୍ ୧୪ରେ ସୁଶାନ୍ତଙ୍କ ରହସ୍ୟମୟ ମୃତ୍ୟୁ ସମସ୍ତଙ୍କୁ ଚମକାଇଦେଇଥିଲା । ତାଙ୍କ ମୃତ୍ୟୁକୁ ନେଇ ତଦନ୍ତ ଅନିଶ୍ଚିତତା ଘେରରେ ରହିଛି । ଅନ୍ୟପଟେ ରିଆ ଚକ୍ରବର୍ତ୍ତୀଙ୍କ ସମେତ ଅନେକ ଥର ଅଙ୍କିତା ଲୋଖଣ୍ଡେ ମଧ୍ୟ ଚର୍ଚ୍ଚାକୁ ଆସିଥିଲେ । ହେଲେ ନିକଟରେ ସୁଶାନ୍ତଙ୍କ ପୂର୍ବତନ ପ୍ରେମିକା ସୋସିଆଲ୍ ମିଡିଆରେ ଏକ ଭିଡିଓ ପାଇଁ ତୀବ୍ର ସମାଲୋଚିତ ହୋଇଛନ୍ତି ।
ନିକଟରେ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଅଙ୍କିତା ଏକ ଭିଡିଓ ଅପଲୋଡ୍ କରିଥିଲେ । ଏହି ଭିଡିଓରେ ସେ ନିଜ ବର୍ତ୍ତମାନର ପ୍ରେମିକ ଭିକି ଜୈନଙ୍କ ସହ ଡାନ୍ସ କରିବାରେ ନଜର ଆସିଥିଲେ । ଦୁହେଁ ନାଇଟ୍ ସୁଟ୍ରେ ଡାନ୍ସ କରିଥିଲେ । ଏହି ଭିଡିଓକୁ ନେଇ କିଛି ଲୋକ ତାଙ୍କୁ ପ୍ରଶଂସା କରିଥିଲବେଳେ ସୁଶାନ୍ତଙ୍କ ଫ୍ୟାନମାନେ କିନ୍ତୁ ଟ୍ରୋଲ୍ କରିବାକୁ ପଛାଇନଥିଲେ ।
View this post on Instagram
ଏବେ ବି ଅନେକ ଲୋକ ସୁଶାନ୍ତଙ୍କ ମୃତ୍ୟୁକୁ ଗ୍ରହଣ କରିନଥିଲାବେଳେ ଅଙ୍କିତାଙ୍କ ଏପରି ଭିଡିଓ ତାଙ୍କୁ ତାଜୁବ କରିଥିଲା । ସୁଶାନ୍ତଙ୍କ ମୃତ୍ୟୁ ପରେ ଅଙ୍କିତା ଖୋଲାଖୋଲି ତଦନ୍ତକୁ ନିନ୍ଦା କରିଥିଲେ । ହେଲେ ପରେ ସେ ଏହି ମାମଲାରେ ଚୁପ୍ ରହିବାକୁ ପସନ୍ଦ କରିଥିଲେ । ଏପରି ସ୍ଥିତିରେ ତାଙ୍କୁ ସୁଶାନ୍ତଙ୍କ ସମର୍ଥକମାନେ ଏହି ଡାନ୍ସ ଭିଡିଓ ପାଇଁ ସମାଲୋଚନା କରିଛନ୍ତି ।
Comments are closed.