ନାଗପୁର:ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟାକୁ ପାଖାପାଖି ୧୫ ଦିନ ହେଲାଣି । ତଥାପି ତାଙ୍କ ଆତ୍ମହତ୍ୟାକୁ ଏଯାଏ ସହଜରେ ଗ୍ରହଣ କରି ପାରୁ ନାହାନ୍ତି ତାଙ୍କ ଫ୍ୟାନ୍ । ନାଗପୁରରେ ଜଣେ ୧୪ ବର୍ଷର ନାବାଳକ ଜୀବନ ହାରିଥିବା ଅଭିଯୋଗ ହୋଇଛି । ବୁଧବାର ଦିନ ଏହି ଘଟଣା ଘଟିଛି ନାଗପୁର ଜରିପକ୍ତା ଅଞ୍ଚଳରେ ।
ମୃତକଙ୍କ ନାଁ ନୟନ ମଗନାନୀ । ସେ ନବମ ଶ୍ରେଣୀରେ ପଢୁଥିଲେ । ବୁଧବାର ତାଙ୍କ ଶୋଇବା ଘର ଭିତରୁ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରାଯାଇଥିଲା । ଫ୍ୟାନରେ ଝୁଲି ପଡିଥିଲେ ନୟନ । ତେବେ ତାଙ୍କ ଘରୁ ପୋଲିସ କୌଣସି ସୁଇସାଇଡ୍ ନୋଟ୍ ଜବତ କରି ନାହିଁ ।
ସୁଶାନ୍ତଙ୍କ ମୃତ୍ୟୁ ପରେ ଦୁଃଖରେ ଭାଙ୍ଗି ପଡ଼ିଥିଲେ ନୟନ । ଏପରିକି ଠିକରେ ଖାଇବା ପିଇବା କି କାହା ସହ କଥାବାର୍ତ୍ତା ବି କରୁ ନଥିଲେ । ସୁଶାନ୍ତଙ୍କ ମୃତ୍ୟୁ ପରେ ପରିବାର ଲୋକ ନୟନଙ୍କୁ ସେସମ୍ପର୍କିତ ଖବର ଦେଖିବା ଓ ଶୁଣିବାରୁ ଦୂରେଇ ରଖୁଥିଲେ । ଅପମୃତ୍ୟୁ ମାମଲା ରୁଜୁ କରି ତଦନ୍ତ କରୁଛି ପୋଲିସ ।
Comments are closed.