ଗଞ୍ଜାମ:କୋଟା(Kota) ର ଏକ ହଷ୍ଟେଲରେ ରହୁଥିବା ଜଣେ ଓଡ଼ିଆ ଛାତ୍ରଙ୍କ ସନ୍ଦେହଜନକ ମୃତ୍ୟୁ ଘଟଣା ସାମ୍ନାକୁ ଆସିଛି। ମୃତ ଛାତ୍ରଙ୍କ ନାମ ରୋଶନ । ତାଙ୍କ ଘର ଗଞ୍ଜାମ ଜିଲ୍ଲା ଜରଡ଼ା ଥାନା ଅଭୟପୁର ବୋଲି ଜଣାପଡ଼ିଛି। NEET UG ଡାକ୍ତରୀ ପ୍ରବେଶିକା ପରୀକ୍ଷା ପାଇଁ ହେଉଥିଲେ ପ୍ରସ୍ତୁତ ।
୨୪ ବର୍ଷୀୟ ଛାତ୍ର ଜଣକ ଚଳିତ ବର୍ଷ କୋଟା ଆସିଥିଲେ ଏବଂ ଦୀପାବଳି ଛୁଟି ପାଇଁ ଘରକୁ ଯାଇ ନଥିଲେ। ଶନିବାର ତାଙ୍କ କୋଠରୀରୁ ତାଙ୍କ ମୃତଦେହ ମିଳିଥିଲା। ସେ ଜବାହାର ନଗର ଥାନା ଅଞ୍ଚଳର ନ୍ୟୁ ରାଜୀବ ଗାନ୍ଧୀ ନଗର ଅଞ୍ଚଳର ଯୁବା ରେସିଡେନ୍ସିରେ ରହୁଥିଲେ ।
ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଆମ୍ବୁଲାନ୍ସ ସାହାଯ୍ୟରେ ଛାତ୍ରଙ୍କୁ MBS ହସ୍ପିଟାଲକୁ ପଠାଯାଇଥିଲା ଯେଉଁଠାରେ ଡାକ୍ତର ଛାତ୍ରଙ୍କୁ ମୃତ ଘୋଷଣା କରିଥିଲେ। ପୁଲିସ ଛାତ୍ରଙ୍କ ମୃତଦେହକୁ ଶବାଗାରରେ ରଖିଛି। ଏହା ସହିତ, ଏହି ମାମଲାରେ ତଦନ୍ତ କରାଯାଉଛି।
ପୋଲିସ କହିଛି ଯେ ସୂଚନା ପାଇବା ପରେ ସେମାନେ ଘଟଣାସ୍ଥଳରେ ପହଞ୍ଚି ଛାତ୍ରଙ୍କ ରୁମ ଖୋଜାଖୋଜି କରିଥିଲେ। କିନ୍ତୁ ରୁମରୁ କୌଣସି ସୁଇସାଇଡ୍ ନୋଟ ମିଳିନଥିଲା ।
କୋଟା ଜବାହାର ନଗର ପୋଲିସ ଷ୍ଟେସନ ଅଧିକାରୀ ରାମ ଲକ୍ଷ୍ମଣ ଗୁର୍ଜର କହିଛନ୍ତି ଯେ, ମାମଲାଟି ବର୍ତ୍ତମାନ ସନ୍ଦେହଜନକ। ଛାତ୍ରଙ୍କ ଭାଇ ମଧ୍ୟ କୋଟାରେ ରହୁଥିଲେ। ସେମାନେ ଏକ ରୁମ ସେୟାର କରିଥିଲେ। ସେହି ରାତିରେ ସେମାନେ ଏକାଠି ରାତ୍ରୀଭୋଜନ କରିଥିଲେ ଏବଂ ସକାଳେ କଥା ହୋଇଥିଲେ। ପରେ, ତାଙ୍କ ଭାଇ କୋଚିଂ କ୍ଲାସକୁ ଯାଇଥିଲେ। ଯେତେବେଳେ ସେ ଫେରିଲେ, ରୋଶନ ଗେଟ୍ ଖୋଲି ନଥିଲେ। ସନ୍ଦେହ ସୃଷ୍ଟି ହେଲା, ଇନଚାର୍ଜଙ୍କୁ ଡକାଗଲା, ଏବଂ ଗେଟ୍ ଖୋଲିବା ପରେ ରୋଶନଙ୍କୁ ବିଛଣାରେ ମୁହଁ ମାଡ଼ି ପଡ଼ିଥିବାର ଦେଖିଥିଲେ। ତା’ପରେ ପୋଲିସକୁ ସୂଚନା ଦିଆଯାଇଥିଲା। ଛାତ୍ରଙ୍କ ପରିବାରକୁ ଘଟଣା ବିଷୟରେ ସୂଚନା ଦିଆଯାଇଛି ଏବଂ ସେମାନେ କୋଟାରେ ପହଞ୍ଚିବା ପରେ ମୃତଦେହର ପୋଷ୍ଟମର୍ଟମ କରାଯିବ।
Comments are closed.