ମୁମ୍ବାଇ: ଚଳିତ ସୟେଦ ମୁସ୍ତାକ ଅଲି କ୍ରିକେଟରେ ସିକ୍କିମକୁ ଓଡିଶା ୧୦୪ ରନରେ ଶୋଚନୀୟ ଭାବେ ପରାସ୍ତ କରିଛି । ପ୍ରଥମେ ବ୍ୟାଟିଂ କରି ଓଡିଶା ୨୦ ଓଭରରେ ୫ ୱିକେଟ ବିନିମୟରେ ୨୧୦ ରନ ସଂଗ୍ରହ କରିଥିଲା । ଅଲ ରାଉଣ୍ଡର ପ୍ରୟାସ ସିଂ ୩୪ ବଲରୁ ୫ ଚୌକା ଓ ୫ ଛକା ସହାୟତାରେ ୭୫ ଓ ସନ୍ଦୀପ ପଟ୍ଟନାୟକ ୪୫ ବଲରୁ ୬ ଚୌକା ଓ ୪ ଛକା ସହାୟତାରେ ୭୧ ରନ କରିଥିଲେ । ସିକ୍କିମ ପକ୍ଷରୁ ସୁମିତ ସିଂ ୨ଟି ୱିକେଟ ନେଇଥିଲେ । ୨୧୧ ରନର ବିଜୟ ଲକ୍ଷ୍ୟକୁ ପିଛା କରି ସିକ୍କିମ ୧୭.୨ ଓଭରରେ ୧୦୬ ରନ କରି ଅଲଆଉଟ ହୋଇ ଯାଇଥିଲା । ଓଡିଶା ବୋଲରଙ୍କ ବୋଲିଂକୁ ସିକ୍କିମ ବ୍ୟାଟ୍ସମ୍ୟାନ ଉଚିତ ମୁକାବିଲା କରିପାରି ନ ଥିଲେ ।
ସୁନୀଲ ରାଉଳ ୪ଟି ଓ ଦେବବ୍ରତ ପ୍ରଧାନ ୩ଟି ୱିକେଟ ଅକ୍ତିଆର କରି ବିପକ୍ଷ ଦଳର ବ୍ୟାଟିଂ ମେରୁଦଣ୍ଡ ଭାଙ୍ଗି ଦେଇଥିଲେ । ୨ଟି ମ୍ୟାଚରୁ ୮ ପଂଏଟ ହାସଲ କରି ଓଡିଶା ପଂଏଟ ଟେବୁଲରେ ତୃତୀୟ ସ୍ଥାନରେ ରହିଛି । ସିକ୍କିମ ୩ଟି ମ୍ୟାଚରେ ବିଜୟ ହାସଲ କରିପାରି ନ ଥିବାରୁ ୮ମ ସ୍ଥାନରେ ରହିଛି । ଓଡିଶା ତାର ପରବର୍ତୀ ମ୍ୟାଚରେ ସର୍ଭିସେନକୁ ୨୧ତାରିଖରେ ଭେଟିବ ।
Comments are closed.