ତାଇପେ: ଚୀନ ଏବଂ ତାଇୱାନ ମଧ୍ୟରେ ଯୁଦ୍ଧ ପରିସ୍ଥିତି ସୃଷ୍ଟି ହେବାରେ ଲାଗିଛି । ଏ ନେଇ ତାଇୱାନ ମଧ୍ୟ ଜୋରଦାର ପ୍ରସ୍ତୁତି ଚଳାଇଛି । ନିକଟରେ ଜଳ ଏବଂ ସ୍ଥଳ ଯବାନଙ୍କ କଡା ଅଭ୍ୟାସ ସୋସିଆଲ ସାଇଟରେ ଝଡ ସୃଷ୍ଟି କରିଛି । ଏଥିରେ ଯବାନମାନେ ନିଆଁ, ବରଫ, ସମୁଦ୍ରର ଲହରୀ ଏବଂ ବାଲିଝଡର ମୁକାବିଲା କରୁଛନ୍ତି । ତାଇୱାନର ଏହି ଏଲିଟ ଆଂଫିବିୟସକୁ ବିଶ୍ୱର ଏକ ଶକ୍ତିଶାଳୀ ଟିମ ଭାବେ ବିବେଚନା କରାଯାଏ ।
ଦକ୍ଷିଣ ଚୀନ ସାଗରରେ ଡ୍ରାଗନ ସେନାକୁ ରୋକିବା ପାଇଁ ଏହି ରଣକୌଶଳ ତାଇୱାନ ଆପଣାଇଛି । ସୂଚନାଯୋଗ୍ୟ, ତାଇୱାନକୁ ହାତେଇବା ପାଇଁ ଚୀନ ପରୋକ୍ଷରେ ଚାପ ପକାଇ ଆସୁଛି । ବିଶ୍ୱର ଅଧିକାଂଶ ଦେଶ ଏହାକୁ ବିରୋଧ କରୁଥିଲେ ମଧ୍ୟ ଚୀନ ବେଖାତିର କରୁଛି ।
Comments are closed.