ତାଇପେ: ଚୀନର ଯୁଦ୍ଧ ଧମକକୁ ତାଇୱାନ ବେଖାତିର ଭାବେ ଉତର ଦେଇଛି । ନିଶ୍ୱାସ ଥିବା ପର୍ଯ୍ୟନ୍ତ ଲଢ଼େଇ କରିବୁ ବୋଲି ବିଦେଶ ମନ୍ତ୍ରୀ ଜୋସେଫ ବୁ କହିଛନ୍ତି । ଏବେ କିଛି ଦିନ ହେବ ଚୀନ ଉଦ୍ଦେଶ୍ୟମୂଳକ ଭାବେ ତାଇୱାନ ସମୁଦ୍ର ସୀମା ନିକଟରେ ଜୋରଦାର ଅଭ୍ୟାସ ଜାରୀ ରଖିଛି । ଯାହା ଫଳରେ ଉଭୟ ଦେଶ ମଧ୍ୟରେ ଉତେଜନାପୂର୍ଣ୍ଣ ପରିସ୍ଥିତି ସୃଷ୍ଟି ହୋଇଛି । ତାଇୱାନ ଏବଂ ଏହାର ଜନସାଧାରଣଙ୍କ ରକ୍ଷା ପାଇଁ ଯାହା କିଛି ସମ୍ଭବ କରିବୁ ବୋଲି ଜୋସେଫ କହିଛନ୍ତି ।
ଏୟାର ଟୁ ଗ୍ରାଉଣ୍ଡ ମିସାଇଲ ଚିଏନ-୨ର ପରୀକ୍ଷଣ ମଧ୍ୟ ତାଇୱାନ କରିସାରିଛି । ଏହି ମିସାଇଲ ୪୦୦ କିଲୋମିଟର ପର୍ଯ୍ୟନ୍ତ ପିନ ପଂଏଟ ଟାର୍ଗେଟ କରିପାରିବ । ଚୀନ ମଧ୍ୟ ଏହି ମିସାଇଲକୁ ଭୟ କରିଥାଏ । ତାଇୱାନ ଏହି ମିସାଇଲର ସଂଖ୍ୟା ଆଜି ପର୍ଯ୍ୟନ୍ତ ସଠିକ ଭାବେ ଘୋଷଣା କରି ନାହିଁ । ସୂଚନାଯୋଗ୍ୟ, ଚୀନ ଆକ୍ରମଣ କଲେ ଆମେରିକା ସମସ୍ତ ପ୍ରକାର ସୁବିଧା ସୁଯୋଗ ତାଇୱାନକୁ ଯୋଗାଇ ଦେବ ବୋଲି ଘୋଷଣା କରିଛି ।
Comments are closed.