ମୁମ୍ବାଇ: ବ୍ରେକଅପ୍ ଗୁଜବ ମଧ୍ୟରେ ହୋଲି ସେଲିବ୍ରେସନରେ ଏକାଠି ନଜର ଆସିଲେ ତମନ୍ନା- ବିଜୟ। ଏହି କିଛି ଦିନ ହେବ ବିଜୟ ବର୍ମା ଏବଂ ତମନ୍ନା ଭାଟିଆଙ୍କ ବ୍ରେକଅପ୍ ଗୁଜବ ସାମ୍ନାକୁ ଆସୁଥିବା ବେଳେ ହୋଲି ପାଳନ କରିବାକୁ ମୁମ୍ବାଇର ରବିନା ଟଣ୍ଡନଙ୍କ ଘରେ ପହଞ୍ଚିଥିବାର ନଜର ଆସିଛନ୍ତି ଏହି ଯୋଡି।
ହୋଲି ୨୦୨୫ ଉତ୍ସବ ପାଇଁ ମୁମ୍ବାଇର ରବିନା ଟଣ୍ଡନ୍ ଏବଂ ଅନିଲ ଥାଡାନୀଙ୍କ ବାସଭବନରେ ପହଞ୍ଚିବା ପରେ ତମନ୍ନା ଭାଟିଆ ଏବଂ ବିଜୟ ଭର୍ମା ମୁମ୍ବାଇର ପାପାରାଜିଙ୍କ ଦ୍ୱାରା ସ୍ପଟ୍ ହୋଇ। ଇଣ୍ଟରନେଟରେ ସେମାନଙ୍କ ବ୍ରେକଅପ୍ ବିଷୟରେ ଗୁଜବ ପ୍ରସାରିତ ହେଉଥିବା ବେଳେ ଏବେ ଚର୍ଚ୍ଚାରେ ରହିଛନ୍ତି ଏହି ଯୋଡ଼ି।
ତେବେ ଗତ ସପ୍ତାହରେ ଅନେକ ରିପୋର୍ଟରେ ତମନ୍ନା ଏବଂ ବିଜୟ ୨ ବର୍ଷରୁ ଅଧିକ ସମୟ ଡେଟିଂ କରିବା ପରେ ଅଲଗା ହୋଇଯାଇଛନ୍ତି ବୋଲି ଚର୍ଚ୍ଚା ଜୋର୍ ଧରିଥିଲା। ହେଲେ ଏନେଇ କିଛି ବି ସ୍ପଷ୍ଟ କରିନାହାନ୍ତି ଏହି ଯୋଡ଼ି। ଆଉ ଏବେ ବ୍ରେକଅପ୍ ଗୁଜବ ମଧ୍ୟରେ, ଏହି ଯୋଡି ପ୍ରଥମ ଥର ପାଇଁ ରବୀନାଙ୍କ ଝିଅ ରାଶା ଥାଡାନିଙ୍କ ସହିତ ହୋଲି ପାଳନ କରିବାକୁ ପହଞ୍ଚିଥିଲେ।
ତମନ୍ନା ଏବଂ ବିଜୟ ବର୍ମାଙ୍କ ସମ୍ପର୍କ ପ୍ରଥମେ ଡିସେମ୍ବର ୨୦୨୨ ରେ ଲୋକଲୋଚନକୁ ଆସିଥିଲା, ଯେତେବେଳେ ସେମାନେ ଦିଲଜିତ ଦୋସାଞ୍ଜଙ୍କ କନସର୍ଟରେ ଏକାଠି ଦେଖାଯାଇଥିଲେ। କିଛି ଦିନ ପରେ, ୨୦୨୩ ନବବର୍ଷ ସମୟରେ ଗୋଆରେ ପରସ୍ପରକୁ କିସ୍ କରୁଥିବାର ଅଭିଯୋଗ ହୋଇଥିବା ଦୁଇ ଅଭିନେତାଙ୍କ ଏକ ଭାଇରାଲ କ୍ଲିପ୍ ସାମ୍ନାକୁ ଆସିଥିଲା। ସେମାନେ ନେଟଫ୍ଲିକ୍ସର ‘ଲଷ୍ଟ ଷ୍ଟୋରିଜ୍ ୨’ରେ ସୁଜୟଙ୍କ ଘୋଷଙ୍କ ସେଗମେଣ୍ଟରେ ସ୍କ୍ରିନ୍ ସ୍ପେସ୍ ସେୟାର କରିଥିଲେ, ଯାହା ଜୁନ୍ ୨୦୨୩ ରେ ପ୍ରିମିୟର ହୋଇଥିଲା। ପରେ ସେମାନେ ଦୁହେଁ ନିଜ ସମ୍ପର୍କକୁ ପବ୍ଲିକାଲି ଚେରିଶ୍ ମଧ୍ୟ କରନ୍ତି। କୁହାଯାଉଥିଲା ଏହି ବର୍ଷ ହିଁ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥାନ୍ତେ। ହେଲେ ଏହାରି ଭିତରେ ସେମାନଙ୍କ ବ୍ରେକଅପ୍ ଗୁଜବ ଘୁରି ବୁଲୁଛି।
Comments are closed.